देऊळगाव राजा : जाफराबाद येथील पत्रकार ज्ञानेश्वर पाबळे यांच्यावर वाळू माफियाने केलेल्या भ्याड हल्ल्याचा तालुका पत्रकार संघाने निषेध नोंदविला़ दरम्यान, संबंधित हल्लेखोर वाळू माफियांविरुद्ध पत्रकार हल्ला विरोधी कायद्यानुसार कडक कारवाईची मागणी तहसीलदार यांना दिलेल्या निवेदनात केली आहे़
जालना जिल्ह्यातील जाफराबाद येथे पत्रकार ज्ञानेश्वर पाबळे यांनी खडक पूर्णा नदीतून बेकायदेशीर वाळू उपसाविरुद्ध बातमी लावल्यामुळे त्यांच्यावर प्राणघातक हल्ला करण्यात आला होता़ याविषयी तहसील कार्यालयात नायब तहसीलदार राणे यांना निवेदन देण्यात आले़ यावेळी तालुका पत्रकार संघाचे अध्यक्ष सुनील मतकर, सरचिटणीस सूरज गुप्ता, उपाध्यक्ष राजू पंडित, गजानन तिडके, अर्जुन आंधळे, मुशीरखान कोटकर, गजानन घुगे, गजानन गोरे, मंगेश तिडके आदींची उपस्थिती होती़