माझ्या तेरवीच्या खर्चासाठी तरी पैसे द्या!

दिवंगत पतीच्या सेवापुस्तकासाठी महिलेची फरपट : जि. प. प्रशासनाचे दुर्लक्ष.

चिखली : शिक्षक पतीच्या निधनानंतर भविष्य निर्वाह निधी, सेवा नवृत्तीवेतन व सेवा पुस्तकाबाबत वारंवार जिल्हा परिषद प्रशासनाकडे पाठपुरावा करूनही प्रशासनाच्या वेळकाढू धोरणामुळे तालुक्यातील देऊळगाव घुबे येथील निराधार महिला तीन वर्षांंपासून जिल्हा परिषदेचे उंबरठे झिजवत आहे. दरम्यान, मुख्य कार्यकारी अधिकारी यांच्या दालनासमोर उपोषण करूनही अद्यापपर्यंत कोणतीच कारवाई न झाल्याने या महिलेला मिळणार्‍या सर्व लाभांपासून वंचित राहावे लागत असल्याने, किमान मृत्यूनंतर तेरवीच्या खर्चासाठी तरी पैसे द्या, अशी अगतिकता तिच्या बोलण्यातून व्यक्त होत होती. देऊळगाव घुबे येथील व्दारकाबाई सोनाजी पाटील यांचे पती सोनाजी गजेबा पाटील हे देऊळगाव घुबे येथील जि.प. मराठी प्राथमिक शाळेत सहाय्यक शिक्षक पदावर २७ सप्टेंबर १९५५ पासून कार्यरत होते. दरम्यान, त्यांच्या निधनानंतर भविष्य निर्वाह निधी, सेवा नवृत्तीवेतन व सेवा पुस्तकाबाबतचे सर्व लाभ त्यांची पत्नी द्वारकाबाई यांना मिळणे आवश्यक असताना हे प्रकरण जिल्हा परिषदेत तब्बल तीन वर्षांंपासून धूळ खात पडून आहे. द्वारकाबाई पाटील यांना मुलगा नसल्यामुळे त्यांचा उदरनिर्वाहाचा प्रश्न अत्यंत गंभीर बनल्याने त्यांनी आपल्या लेकीकडे आङ्म्रय घेतला आहे. त्यांचे जावई शेषराव लोखंडे यांच्या मदतीने द्वारकाबाईंनी जिल्हा परिषदेकडे १९ व २६ ऑक्टोबर २0१५ आणि ३ जानेवारी २0१६ या तारखेला निवेदन देऊन त्यांचा हक्क मागितला असताना एका महिन्यात तुमचे प्रकरण निकाली काढू, असे आश्‍वासन उपमुख्य कार्यकारी अधिकार्‍यांनी त्यांना दिले होते. त्यापश्‍चातही बराच कालावधी उलटूनदेखील कारवाई न झाल्याने अखेर हतबल ठरलेल्या द्वारकाबाईंनी गत महिन्यात जि.प.मुख्य कार्यकारी अधिकार्‍यांच्या दालनासमोर उपोषण केले होते. यावेळी शिक्षणाधिकार्‍यांनी याबाबतचा संपूर्ण अहवाल सादर करण्यासाठी प्रकरण गट शिक्षणाधिकारी पंचायत समिती देऊळगाव राजा यांना पाठविले आहे. या पश्‍चातही तब्बल महिनाभराचा कलावधी उलटूनही प्रकरण लांबणी पडल्याने या सर्व प्रकाराला कंटाळलेल्या वृद्ध द्वारकाबाई पाटील यांनी ह्यमाझ्या तेरवीचा खर्चाला तरी पैसे द्याह्ण अशी अगतिकता व्यक्त केली आहे