रोजगारविषयक सर्व सेवा आता मिळणार ऑनलाईन!

बुलडाणा : कौशल्य विकास, रोजगार व उद्योजकता  संचालनालय यांच्याकडून पुरविण्यात येणार्‍या रोजगारविषयक  सर्व सेवा आता ऑनलाइन करण्यात आलेल्या आहेत. या  सुविधा ऑनलाइन मिळणार असून, त्यासाठी संकेतस्थळ  विकसित करण्यात आले आहे. 

लोकमत न्यूज नेटवर्कबुलडाणा : कौशल्य विकास, रोजगार व उद्योजकता  संचालनालय यांच्याकडून पुरविण्यात येणार्‍या रोजगारविषयक  सर्व सेवा आता ऑनलाइन करण्यात आलेल्या आहेत. या  सुविधा ऑनलाइन मिळणार असून, त्यासाठी संकेतस्थळ  विकसित करण्यात आले आहे. उद्योजक/आस्थापना यांनी सेवायोजन कार्यालये  कायदा १९५९ अन्वये त्रैमासिक ईआर-१ ची माहिती  बंधनकारक असलेली माहिती या संकेत स्थळावर द्यावी  लागणार आहे. सप्टेंबर २0१७ अखेर संपणार्‍या त्रैमासिककरिता  माहिती या संकेत स्थळावर त्यांचे युजर आयडी व पासवर्ड  लॉगीन करून ऑनलाइन सादर करावयाची आहे. त्याबाबतचे  प्रमाणपत्र संकेतस्थळावरून प्राप्त करून घ्यावयाचे आहे.  ऑनलाईन ईआर-१ सादर करण्यात काही अडचण आल्यास  जिल्हा कौशल्य विकास रोजगार व उद्योजकता मार्गदर्शन केंद्र  बुलडाणा या कार्यालयाशी संपर्क साधावा. ईआर-१ सादर  करण्याची अंतिम मुदत ३१ ऑक्टोबर २0१७ आहे. यामध्ये  कसुरदार आस्थापनांवर विहीत नियमानुसार कार्यवाही करण्यात  येणार आहे, याची नोंद घेण्यात यावी, असे सहायक संचालक  चिमणकर यांनी कळविले आहे.