सुलतानपूर येथील जवानाचा आकस्मिक मृत्यू

सुलतानपूर येथील शेतकरी शेतमजूर कुटुंबात जन्म झालेल्या पवन विष्णू रिंढे यांनी हालाखीच्या परिस्थितही शिक्षण पूर्ण केले़ तसेच परिश्रमाच्या बळावर सैन्यात २०१६ -१७ च्या भरतीमध्ये ते सैन्यामध्ये भरती झाले . बेळगाव येथे सैनिक प्रशिक्षण पूर्ण करुण पवन रिंढे हे सध्या गुजरातमधील जामनगर येथे कर्तव्यावर होते़ तेथून त्यांचे युनिट प्रशिक्षणासाठी राजस्थानमधील बाडमेर येथे एक महिन्यापूर्वी गेले होते़ दरम्यान आपल्या सहकारी सैनिकांसोबत कर्तव्यावर असताना २ मे च्या रात्री सैनिक पवन विष्णू रिंढे यांचा अचानक मृत्यू झाला असल्याची माहिती सैनिक कल्याण कार्यालय राजस्थानकडून मृतक सैनिकाच्या कुटुंबास देण्यात आली आहे़ मृत्यूचे कारण मात्र स्पष्ट करण्यात आले नाही़ शवविच्छेदन केल्यानंतर सैनिकाचे प्रेत त्यांच्या मुळ गावी सुलतानपूर येथे ४ मे राेजी आणण्यात येणार असल्याची माहिती आहे़