कारमधून २ लाख ६८ हजारांची चोरी

लोणार तालुक्यात बिबी येथील घटना.

बिबी (जि. बुलडाणा): लोणार तालुक्यातील बिबी येथील महामार्गावरील गुलाब पेट्रोल पंपावर आराम करण्यासाठी थांबलेल्या मनोज जयस्वाल औरंगाबाद यांच्या गाडीतील पैशाची बॅग पळविल्याची घटना १३ एप्रिल रोजी सकाळी ३ ते ४ वाजता दरम्यान घडली. मनोज जयस्वाल यांची आई श्रीमती ललिीता जयस्वाल, भाऊ पंकज जयस्वाल व बहीण संगीता जयस्वाल सर्व रा.औरंगाबाद हे चौघेजण स्वत:ची कार क्र. एम.एच. २0 एच.२५0७ यवतमाळ येथून शेतीच्या विक्री व्यवहाराचे २ लाख ६८ हजार रुपये घेऊन औरंगाबादकडे मंगळवारी संध्याकाळी निघाले होते. रात्री २.३0 वाजता ते महामार्गावरील बिबी या गावाजवळ आले. चालक शेख अजीज शेख कादर याने थकवा व झोप येत असल्याचे सांगून येथील गुलाब पेट्रोल पंप आवारात गाडी उभी केली. आराम करण्यासाठी सर्वजण कारमध्येच झोपले. सकाळी ४ वाजता चालकाने गाडीची चाबी सापडत नसल्याचे सांगत सर्वांना उठविले. मात्र चाबी व गाडीतील पैशाची बॅग गायब झाल्याचे जयस्वाल यांचे लक्षात आले.