तुम्ही सीमेंट घेवून द्या, आम्ही पुलाचे बांधकाम करू

ग्रामपंचायतीमार्फत अशोकनगरात नालीचे बांधकाम एक महिन्याअगोदर सुरू करण्यात आले. त्यातही अनेक उणिवा दिसून आल्या. याप्रकरणी सरपंच यांनी स्वत: तक्रार असलेल्या जागेबाबत मुरूम घालण्याचे आश्वासन दिले होते. ते आश्वासन अजुनही पूर्ण झाले नाही. ज्याठिकाणी बांधकाम करण्यात आले. त्याठिकाणी ग्रामस्थांनी स्वत: खर्च करून घरासमोर नाली तयार करून व्यवस्थितपणे घरात प्रवेश करण्यासाठी त्यावर लहान फरशीवजा पुलाचे बांधकामही केले. प्रत्यक्षात जेव्हा बांधकाम सुरू करण्यात आले.

ठळक मुद्देअड्याळ येथील प्रकार : अर्धवट बांधकामाची बीडीओंना तक्रार

लोकमत न्यूज नेटवर्कअड्याळ : गावात रस्ते व नालीचे बांधकाम होत आहे. यातही सिमेंटचा वापर मोठ्या प्रमाणात होत असला तरी अर्धवट कामाच्या तक्रारीतही वाढ झालीच आहे. असाच प्रकार अशोक नगरातील वस्तीअंतर्गत घडला. तुम्ही सिमेंट घेवून द्या, आम्ही पुलाचे बांधकाम करू, अशी म्हणण्याची वेळ आली.गावातील लहानसहाण समस्या सोडविण्यासाठी नागरिकांनी ग्रामपंचायतीकडे तक्रार न करता ती तक्रार गटविकास अधिकाऱ्यांकडे देण्यात येत आहे. ग्रामपंचायतीमार्फत अशोकनगरात नालीचे बांधकाम एक महिन्याअगोदर सुरू करण्यात आले. त्यातही अनेक उणिवा दिसून आल्या. याप्रकरणी सरपंच यांनी स्वत: तक्रार असलेल्या जागेबाबत मुरूम घालण्याचे आश्वासन दिले होते. ते आश्वासन अजुनही पूर्ण झाले नाही. ज्याठिकाणी बांधकाम करण्यात आले. त्याठिकाणी ग्रामस्थांनी स्वत: खर्च करून घरासमोर नाली तयार करून व्यवस्थितपणे घरात प्रवेश करण्यासाठी त्यावर लहान फरशीवजा पुलाचे बांधकामही केले. प्रत्यक्षात जेव्हा बांधकाम सुरू करण्यात आले. तेव्हा कामादरम्यान प्रत्येकाच्या घरासमोर नालीवरून मिनी पुल बांधून देवू, असा शब्द देण्यात आला होता. आता याच बाबतीत विपरीत स्थिती निर्माण झाली आहे. आता ग्रामस्थानाच, ‘तुम्ही सिमेंट घेवून द्या, आम्ही पुलाचे बांधकाम करून देतो’, असे म्हटले जात आहे. परिणामी ग्रामस्थांनी विश्वास ठेवायचा तरी कुणावर अशी स्थिती निर्माण झाली आहे. याची चौकशी करून नालीवर पुर्वीप्रमाणे स्लॅब किंवा पूल तयार करून द्यावे, अशी मागणीही येथील ग्रामस्थांनी केली आहे.