पोलीस संरक्षणाशिवाय आम्ही काम करणार नाही

लाखनी येथील आशा वर्कर कोरोना संबंधित माहिती घेण्यासाठी गेल्या असता एका कुटुंबियाने आशा वर्करला नगर पंचायत प्रशासनाला एका रुग्णामागे दीड लाख रूपये मिळतात व त्यात आशा वर्करचा हिस्सा असतो, असे चुकीचे आरोप करीत भांडण केले. एवढेच नव्हे तर मारण्याची धमकी दिली आहे.

ठळक मुद्देलाखनी तहसीलदारांना संघटनेचे निवेदन, आशा वर्करला धमकी देणाऱ्यांवर कारवाई करा

लोकमत न्यूज नेटवर्कलाखनी : शहरात एकाच प्रवर्गातील १९ कोरोना रुग्ण आढळले. त्यामुळे नागरिकांत भीती निर्माण झाली आहे. अशा परिस्थितीतही आशा वर्कर आपला जीव धोक्यात घालून काम करीत आहे. मात्र तपासणीसाठी गेलेल्या आशा वर्करशी भांडण करून एकाने मारण्याची धमकी दिल्याने आशा वर्कर धास्तावल्या आहेत. त्यामुळे आम्ही पोलीस संरक्षण मिळाल्याशिवाय काम करणार असा इशारा आशा वर्कर संघटनेने तहसीलदारांदिलेल्या निवेदनातून दिला आहे.लाखनी येथील आशा वर्कर कोरोना संबंधित माहिती घेण्यासाठी गेल्या असता एका कुटुंबियाने आशा वर्करला नगर पंचायत प्रशासनाला एका रुग्णामागे दीड लाख रूपये मिळतात व त्यात आशा वर्करचा हिस्सा असतो, असे चुकीचे आरोप करीत भांडण केले. एवढेच नव्हे तर मारण्याची धमकी दिली आहे. त्यामुळे संतप्त झालेल्या आशा वर्कर संघटनेने तहसीलदारांना पोलीस संरक्षण तसेच आरोग्य विभागाचा चमू सोबत असल्याशिवाय आम्ही कोरोनाचे ेकामकाजावर बहिष्कार टाकणार असल्याचे सांगितले आहे.तालुक्यात असा प्रसंग पुन्हा उद्भवण्याची शक्यता असल्याने आमचा जीव धोक्यात असून कोरोना सर्वेक्षण तसेच इतर कामांसाठी आरोग्य विभाग तसेच आपत्ती व्यवस्थापन नियंत्रण कार्याशी संबंधित विभागाचा चमू तयार करून त्या चमूद्वारे सर्व कामे करावायाचा शासनाचा आदेश आहे. मात्र प्रत्यक्षात ही सर्व कामे आशा वर्ककडूनच करून घेतली जात आहेत. त्यामुळे आशा वर्कर कर्मचाऱ्यांना कमी मानधनासह विविध समस्यांना तोंड द्यावे लागत आहे. याकडे प्रशासनाने वेळीच लक्ष देवून समस्या सोडविण्याची मागणी आयटकप्रणित आशा वर्कर संघटनेने केली आहे.शिष्टमंडळ एकवटलेआशा वर्कर जीव मुठीत घेवून कोरोना योद्धाचे काम करत असताना समाजातील काही जण सहकार्य न करता त्रास देत आहेत.यासाठी आशा वर्कर संघटनेतर्फे तहसीलदारांना समस्यांचे निवेदन देण्यात आले. यावेळी आयटकचे जिल्हाध्यक्ष शिवकुमार गणवीर, भुमिका वंजारी, वनिता निर्वाण, नंदा चवळे, आशा धांडे, महानंदा रामटेके, श्यामली गिरीपुंजे, अनिता साठवणे, अर्चना भैसारे, तारा मोटघरे, मीना लारोकर, माया धरमशहारे आदी उपस्थित होते. यावेळी सर्वानुमते कामे करताना येत असलेल्या समस्या मांडण्यात आल्या.