पाणीपुरवठा योजना थंडबस्त्यात

ग्रामीण पाणी पुरवठा योजना जिल्हा परिषदद्वारे लाखनी व मुरमाडी येथे नळयोजनेद्वारे पाणी पुरवठा केला जात आहे.

चंदन मोटघरे  लाखनीग्रामीण पाणी पुरवठा योजना जिल्हा परिषदद्वारे लाखनी व मुरमाडी येथे नळयोजनेद्वारे पाणी पुरवठा केला जात आहे. उन्हाळयाला प्रारंभ झाल्यानंतर पाण्याचे दुर्भिक्ष्य जानवत असते. स्थानिक नळयोजना लोकांना पिण्याचे शुध्द पाणी पुरविण्यात अपयशी ठरली असुन ग्रामीण पानी पुरवठा योजनेचे ढिसाळ व निष्क्रीय कार्य लोकांसमोर आले आहे. पाणीपुरवठा विभागाने जनतेच्या समस्येकडे वारंवार दुर्लक्ष केले आहे.लाखनी येथे नळयोजनेची २ लक्ष ३५ हजार लिटर क्षमतेची पाण्याची टाकी आहे येथे जांभळी सडक बंधाऱ्यावरील पंपहाऊसवरुन पाणी पुरविले जाते. पाणी पुरवठा योजनेची पाईपलाईन सडलेली आहे. वारंवार लिकेज होत असल्याने पाणी वाया जाते. टाकी भरत नाही. दोन बोअरवेलच्या माध्यमातून पाण्याची टाकी भरली जाते. २५ वर्षापुर्वापासून टाकलेली पाईपलाईन निकृष्ट झाली आहे. पाणी आणण्याच्या समस्येमुळे पाण्याची टाकी अर्धी भरत असते. लाखनी व मुरमाडी येथे एक दिवसाआड पाणी पुरविला जातो. सकाळी ६.१५ वाजता पाणी सुरु केले जाते. कधी विस मिनिट तर कधी पंधरा मिनिट पाण्याचा पुरवठा केला जातो.लाखनी व मुरमाडी येथे १२०० नळ कनेक्शनधारक आहेत. त्यापैकी सध्या १००० नळ कनेक्शन सुरु आहेत. या आर्थिक वर्षात ३ लक्ष ३० हजार रुपयापर्यंत वसुली झाली आहे. अद्यापही ५ लक्ष रुपयांची वसुली बाकी आहे. ग्रामीण पाणी पुरवठा योजना हा शासनाची योजना पांढरा हत्ती ठरली आहे. सावरी येथील नळयोजना बंद आहे. मागील महिन्यात नळयोजना बंद होती सद्या १० ते १५ मिनिट पाणी पुरवठा होतो. ते सुध्दा एक दिवसाआड. पाणी पुरवठा विभागाचे तीन महिन्यापासून वेतन झालेले नाही. जिल्हा परिषदेच्या पाणी पुरवठा विभागाचे लोकांच्या समस्येकडे दुर्लक्ष आहे. नळयोजना निकृष्ट असल्याने तात्काळ दुरुस्ती केली जात नाही. वरिष्ठ अधिकाऱ्यांना जनतेच्या समस्येशी काहीही सोयरसुतक राहिलेली नाही. कोट्यवधी रुपयांचा चुराडामहाराष्ट्र जीवन प्राधिकरण योजनेद्वारे लाखनी येथे ग्रामीण पाणी पुरवठा योजनेच्या २.२५ लक्ष लिटर क्षमतेच्या पाण्याच्या टाकीशेजारी १० वर्षापूर्वी नवीन ७ लक्ष ५० हजार लिटर क्षमतेची पाण्याची टाकी तयार करण्यात आली आहे. दुर्गाबाई डोह चुलबंद घाटावरुन नवीन टाकीमध्ये पाणी आणण्यासाठी पाईपलाईन टाकण्यात आली आहे. प्राधिकरणाद्वारे या योजनेची तपासणी करुन मागील वर्षी १ महिना लाखनी व मुरमाडी येथे पाणी पुरवठा करण्यात आला. गेल्या वर्षभरापासून महाराष्ट्र जीवन प्राधिकरणचे काम पूर्णत्वास आले असून जिल्हा परिषदेकडे या योजनेचे हस्तांतरण झालेले नाही. नवीन योजना सुरु झाल्यानंतर लाखनी शहर, मुरमाडी, सावरी येथील पाण्याला प्रश्नसुटेल, जनतेच्या समस्येपासून दूर पळणारी जिल्हा परिषद नवीन पाणी पुरवठा योजनेची विद्युत बिल दर महिन्याला पाच लक्ष रुपयाच्या जवळ असेल. लाभार्थ्यांची संख्या कमी यामुळे जिल्हा परिषद नवीन योजना स्विकारण्यास टाळाटाळ करत असावी असा अंदाज आहे. परंतु महाराष्ट्र जीवन प्राधीरकणाच्या नावावर पाण्याची टाकी व पाईपलाईनसाठी कोट्यवधी रुपये खर्च झाले असून त्याचा लोकांना काहीही फायदा नाही. महाराष्ट्र जीवन प्राधिकरण योजनेची पाणी पुरवठा योजना तयार असल्याने जिल्हा परिषद जुन्या पाईपालाईन जास्त निधी उपलब्ध करुन देत नाही. ३५ वर्षापूर्वीच्या योजनेवर खर्च करण्यास निधी अपुरा पडत आहे. लाखनी नगरपंचायत झाल्याने लाखनी शहरातील नळ योजना नगर विकास खात्याकडे हस्तांतरित होईल. जीवन प्राधिकरणने पाण्याची टाकी व पाईप लाईन तयार करुन दिली आहे. परंतु अंतर्गत गावातील पाईपलाईन तयार करुन दिलेली नाही. यामुळे पाणी पुरवठा करण्यास अडचणी येत आहे. व नवीन योजना जिल्हा परिषदेने स्विकारलेली नाही.- एस. डी. मारबते, शाखा अभियंता, ग्रा.पा.पु.यो. लाखनी