हौशी नागरिकांना पोलिसी खाक्या दाखवत समज

भंडारा शहरात कोरोनाचा एकही रुग्ण नाही. मात्र संपूर्ण राज्यात खबरदारीच्या उपाययोजना केल्या जात असल्याने त्याचे आदेश भंडारा शहरातही लागू झाले आहेत. सोमवारी रात्री ९ वाजतापासून जिल्ह्यात संचारबंदी लागू करण्यात आली आहे. जीवनावश्यक वस्तू वगळता सर्व आस्थापना बंद करण्याचे आदेश देण्यात आले आहेत. मात्र अनेक हौशी नागरिक सकाळपासून रस्त्यावर दिसू लागले होते.

ठळक मुद्देकोरोना प्रतिबंधक उपाय : संचारबंदी असतानाही जिल्ह्यातील अनेक शहरात रस्त्यांवर धाव

लोकमत न्यूज नेटवर्कभंडारा : कोरोनाचा वाढता प्रादूर्भाव रोखण्यासाठी नागरिकांनी घराबाहेर पडू नये, गर्दी करू नये. असे आवाहन करीत भंडारा शहरासह जिल्ह्यात संचारबंदी लागू करण्यात आली आहे. मात्र काही हौशी नागरिक ही संचारबंदी कशी आहे हे पाहण्यासाठी रस्त्यावर येत आहेत. अशा बेजबाबदार हौशी नागरिकांना मंगळवारी चौकाचौकांत पोलीसी खाक्या दाखवत कडक शब्दात समज दिली. त्यानंतर दुपारी रस्ते निर्मनुष्य झाले.भंडारा शहरात कोरोनाचा एकही रुग्ण नाही. मात्र संपूर्ण राज्यात खबरदारीच्या उपाययोजना केल्या जात असल्याने त्याचे आदेश भंडारा शहरातही लागू झाले आहेत. सोमवारी रात्री ९ वाजतापासून जिल्ह्यात संचारबंदी लागू करण्यात आली आहे. जीवनावश्यक वस्तू वगळता सर्व आस्थापना बंद करण्याचे आदेश देण्यात आले आहेत. मात्र अनेक हौशी नागरिक सकाळपासून रस्त्यावर दिसू लागले होते. मंगळवारी सकाळी शहरातील चौकांमध्ये काही तरुण गप्पा मारत असल्याचे चित्र दिसत होते. सकाळी १० वाजेपर्यंत शहरातील विविध भागात मोटारसायकलीही फिरताना दिसत होत्या. संचारबंदी असतानाही नागरिक रस्त्यावर येऊन एन्जॉय करण्याचा प्रयत्न करीत होते.हा प्रकार रोखण्यासाठी अखेर पोलीस रस्त्यावर उतरले. पोलिसांच्या वाहनातील ध्वनी क्षेपकावरून प्रथम सूचना देण्यात आल्या. मात्र त्यानंतरही कुणी ऐकण्याच्या मनस्थितीत दिसत नव्हते.शेवटी कडक शब्दात आणि लाठी उगारून पोलिसांनी नागरिकांना थेट घरात बसा नाहीतर लॉकअपमध्ये जाल असा सज्जड दम दिला. याचा परिणाम अवघ्या काही तासातच शहरात दिसून आला. शहरातील रस्त्यावरील गर्दी ओसरली. केवळ किराणा दुकान, औषधी विक्रेते आणि भाजीपाल्यांची दुकाने तेवढी रस्त्यावर दिसत होती.चौकाचौकात बॅरिकेटस्भंडारा शहरात येणारे सर्व रस्ते बंद करण्यात आले आहेत. शहरातून जाणारा केवळ राष्ट्रीय महामार्ग तेवढा सुरळीत आहे. मात्र त्यावरही वाहनांची संख्या अगदी रोडावल्यासारखी दिसत आहे. शहरातील विविध भागात पोलिसांनी मंगळवारी रात्रीपासूनच बॅरिकेटस् लावल्या आहेत. राजीव गांधी चौक, खामतलाव चौक, गांधी चौक, मुस्लिम लायब्ररी चौक, शीतलामाता मंदिर परिसरात वाहतूक रोखून धरण्यात आली होती. प्रत्येकाची पोलीस विचारपूस करूनच पुढे सोडत होते.