भंडारा : पावसाळ्यात वीज कोसळण्याच्या घटना वाढू शकतात. वीज कडाडताच मोबाईल बंद करावा, झाडांपासून दूर राहावे, असे आवाहन जीवितहानी व वित्तहानी टाळण्याच्या दृष्टीने आपत्ती व्यवस्थापन विभागाकडून करण्यात येत आहे.
पावसाळ्यात मुसळधार पावसाची शक्यता असते. तसेच शेतीला पावसाची गरज आहे. शेती कामासाठी शेतकरी शेतावर असतात. वीज ही सामान्यतः उंच वस्तूवर पडते. कोणतेही स्थान हे पूर्णपणे सुरक्षित नाही; मात्र काहीच स्थाने हे पूर्णपणे इतर ठिकाणांपेक्षा सुरक्षित असतात. जास्त पाऊस पडणाऱ्या क्षेत्राच्या बाहेरही वज्राघात होऊ शकतो. वज्राघात सतत एकाच ठिकाणी होऊ शकतो. भंडारा जिल्ह्यात गत नऊ वर्षांची आकडेवारी लक्षात घेतली असता ३० जणांचा वीज कोसळून मृत्यू झाला आहे. यात सर्वाधिक मृत्यू २०२१ मध्ये आहेत.
बाॅक्स
वीज पडण्यापूर्वी चेतावणीची चिन्हे
वीज पडण्यापूर्वी काही चेतावनीचे चिन्हे आपत्ती व्यवस्थापन विभागाकडून देण्यात आलेली आहेत. अतिवेगाने वारे, अतिपर्जन्य आणि काळे ढग, घोंगावणारे गडगडाटासह वादळ, जास्त किंवा अधिक जास्त प्रमाणात मेघगर्जना ही सर्व वादळासह विजेच्या चेतावणीचे चिन्हे आहेत.
बॉक्स
बाहेर पडलेल्या व्यक्तीचेच वज्राघातामुळे नुकसान
सामान्यतः बाहेर पडलेल्या व्यक्तींची वज्राघातामुळे नुकसान होते. बाहेर असलेल्या व्यक्ती वज्राघातामुळे नुकसान होते. बाहेर असलेल्या व्यक्ती जखमी होतात किंवा मृत्यू पावतात. आपल्या भागातील स्थानिक हवामानाविषयी अंदाजाची व सतर्कतेच्या माहितीचे निरीक्षण करणे आवश्यक आहे. आपत्कालीन परिस्थितीत वैद्यकीय सेवेत संदर्भात माहिती असणे आवश्यक आहे.
बॉक्स
वीज कडाडत असतानाही घ्या काळजी
विजेवर चालणाऱ्या वस्तू इलेक्ट्रॉनिक व इलेक्ट्रिकल वस्तू आणि वातानुकूलित यंत्रे बंद ठेवण्यात यावीत. विजा चमकत असताना व घराबाहेर असल्यास घराच्या खिडक्या व दरवाजे बंद ठेवावे. मेघगर्जना झाल्यापासून ३० मिनिटे घराच्या आतच राहावे. गडगडाटासह वादळ आल्यास उंच जागांवर मोकळ्या जागा, स्वतंत्र झाडे, रेल्वे, बस, सहलीची आश्रयस्थाने, दळणवळणाची टाॅवर्स, धातूंचे कुंपण, उघडी वाहने आणि पाणी टाळावे, घरात असल्यास विद्युत उपकरणांना हात लावू नये, अशी माहिती आपत्ती विभागाकडून देण्यात आली आहे.