तुमसर पोस्ट ऑफिसची लिंक पाच दिवसापासून बंद

वरिष्ठ अधिकारी लक्ष देत नाही. टपाल कार्यालयाच्या सूत्रांनी दिलेल्या माहितीनुसार, पोस्ट ऑफिसचे संगणक यंत्र हळू चालत आहेत. लिंक बंद असल्याने आणि हळू चालत असल्यामुळे कामाला विलंब होत आहे. यामुळे संतप्त ग्राहकांचे कर्मचाऱ्यांशी दररोज भांडण होत असते. पोस्ट ऑफिसच्या वरिष्ठ अधिकाऱ्याला वर्षभरापासून या समस्येबद्दल माहिती दिली जात आहे. डोंगल देऊन संगणकाची गती वाढवावी, अशी मागणी करण्यात आली. परंतु आतापर्यंत मशीनरीमध्ये दुरुस्तीचे काम करणारे संगणक ऑपरेटर न पाठविल्याने समस्या अधिक वाढत आहे. संगणक दुरुस्तीची समस्या सोडविण्यासाठी वरिष्ठ अधिकारी यांना माहिती देण्यात आली आहे. संगणकाची दुरुस्ती केल्यानंतर ग्राहकाला सुविधा देण्यात येईल, असे आश्वासन सब पोस्टमास्तरने ग्राहकांना दिले. या समस्यांचे निराकरण करून लवकरात लवकर ग्राहकांना सेवासुविधा चांगल्या प्रकारे सुरू करण्याची मागणी येथील ग्राहकांकडून केली जात आहे.