प्रवाशांनो जरा जपून, पाकिटमार फिरताहेत

अत्याधुनिक होत असलेले गोंदियाचे रेल्वे स्थानक सध्या पॉकिटमारीच्या घटनांनी कुप्रसिद्ध होत आहे.

ठळक मुद्देपॉकिट फेकतात रेल्वे रूळावर : गाडीत चढताना घडतो प्रकार

लोकमत न्यूज नेटवर्कगोंदिया : अत्याधुनिक होत असलेले गोंदियाचे रेल्वे स्थानक सध्या पॉकिटमारीच्या घटनांनी कुप्रसिद्ध होत आहे. रेल्वे गाडी फलाटावर थांबताच प्रवासी गाडीत चढण्याच्या तयारीत असताना नेमक्या त्याच वेळी अनेक प्रवाशांच्या पँटच्या मागील खिशातून पॉकिट गायब होतो. अशा अनेक घटना सांगण्यासाठी प्रवासी रेल्वे पोलीस ठाणे गाठत आहेत.गोंदियाच्या रेल्वे स्थानकावर वाढणाºया पॉकिटमारीच्या घटनांकडे रेल्वे पोलिसांनी लक्ष देवून पॉकिटमारांना पकडणे गरजेचे आहे. गाडीत चढणाºया प्रवाशांचे पॉकिट मारले जाते, त्यानंतर त्यातील रूपये काढून काही वेळाने ते पॉकिट इतरत्र फेकलेसुद्धा जाते. विशेष म्हणजे रूपये काढून गाडीतील शौचालयाच्या ठिकाणातून रेल्वे रूळावर फेकले जाते. त्यामुळे रेल्वे रूळावर पैसे नसलेले अनेक पॉकिटही आढळले आहेत.उल्लेखनिय म्हणजे प्रवाशांच्या पॉकिटातील केवळ पैसेच काढून फेकले जातात. मात्र पॉकिटात पॅन कार्ड, ड्रायव्हिंग लायसन्स, एटीएम कार्ड तसेच ठेवल्याचेही आढळले आहेत. तसेच पॉकिटात एखाद्याचा संपर्क क्रमांक आढळला तर रेल्वे पोलीस त्या क्रमांकावर संपर्क साधून पॉकिट व पॉकिटातील साहित्य त्यांना परत करण्याचे सौजन्य दाखवितात. मात्र पॉकिटमारांवर कारवाई होताना किंवा प्रवासी गाडी आल्यावर पॉकिटमारांवर किंवा चोरांवर नजर ठेवण्यासाठी रेल्वे पोलीस कुठेही दिसत नाही. तीन दिवसांपूर्वीच शासकीय नोकरीत कार्यरत युवकाचे पॉकिट गोंदियाच्या रेल्वे स्थानकावरील प्लॅटफॉर्म-३ वर सायंकाळी पॅसेंजर गाडीत चढताना चोरट्याने लांबविले. गाडीत बसल्यानंतर त्या युवकाला आपल्या खिशात पर्स नसल्याचे जाणवले. त्यात अडीज हजार रोख, ड्रायव्हिंग लायसन्स, एटीएम कार्ड साहित्य होते.दुसºया एका घटनेत महिनाभरापूर्वी एका अपडाऊन करणाºया कर्मचाºयाला प्लॅटफॉर्म-३ च्या रेल्वे रूळावर पॉकिट पडून असल्याचे आढळले. त्याने तो पॉकिट उचलून पोलीस ठाण्यात नेवून दिले. त्या पॉकिटात गोंदियातीलच इसमाचे ओळखपत्र, संपर्क क्रमांक, एटीएम कार्ड आदी साहित्य होते.त्यामुळे पोलिसांनी त्याच्याशी संपर्क साधून पॉकिट व आतील साहित्य त्याला परत दिले. सर्व अधिकतर पॉकिटमारी प्रकरणात केवळ रोख पैसे काढून इतर साहित्य पॉकिटसह फेकून दिले जातात.