मॅग्निज खाणीतील मजुरांवर उपासमारीची वेळ

चिखला व डोंगरी बु. खाणीत कंत्राटदार मजुराची संख्या सुमारे १५० इतकी आहे. खाणी लॉकडाऊन झाल्यानंतर मागील तीन आठवड्यापासून मजुरांना कंत्राटदारांनी वेतन दिले नाही. याप्रकरणी मजुरांनी कंत्राटदारांन विचारले असता त्यांनी खाणीकडून आम्हाला राशी मिळालेली नाही. त्यामुळे तुम्हाला वेतन देण्यास आम्ही असमर्थ आहोत, अशी भूमिका घेतली आहे.

ठळक मुद्देतीन आठवड्यांपासून वेतन नाही : चिखलीत व डोंगरी खाणीतील प्रकार

लोकमत न्यूज नेटवर्कतुमसर : कोरोना विषाणूचा प्रसार रोखण्याकरिता ३ मे पर्यंत लॉकडाऊनची घोषणा करण्यात आली. तुमसर तालुक्यातील चिखला व डोंगरी मॅग्निज खाणीतील कंत्राटदाराच्या मजुरांना मागील तीन आठवड्यापासून वेतन मिळाले नाही. केंद्र शासनाने कर्मचारी व मजुरांना वेतन न थांबविण्याचे आदेश दिले असताना केंद्र शासनाच्या खाणीतील मजुरांना वेतन दिले गेले नाही. यासंदर्भात जिल्हाधिकाऱ्यांकडे तक्रार करण्यात आली आहे.चिखला व डोंगरी बु. खाणीत कंत्राटदार मजुराची संख्या सुमारे १५० इतकी आहे. खाणी लॉकडाऊन झाल्यानंतर मागील तीन आठवड्यापासून मजुरांना कंत्राटदारांनी वेतन दिले नाही. याप्रकरणी मजुरांनी कंत्राटदारांन विचारले असता त्यांनी खाणीकडून आम्हाला राशी मिळालेली नाही. त्यामुळे तुम्हाला वेतन देण्यास आम्ही असमर्थ आहोत, अशी भूमिका घेतली आहे.कंत्राटदाराकडील मजूर गरीब असून रोजंदारी मजूर म्हणून ते मॅग्निज खाणीत कामे करतात. दररोज कमावून आणणे व खाणे अशी त्यांची स्थिती आहे. इतर कामे बंद आहेत. त्यामुळे सध्या मजुरांची उपासमार होत आहे. मॉईल प्रशासनाने कंत्राटदारांची थकबाकी दिली नाही. हे मुख्य कारण कंत्राटदार मजुरांना सांगत आहेत. जिल्हा परिषद सदस्य संगिता सोनवाने, जिल्हा परिषद सदस्य शुभांगी रहांगडाले, सुरेश रहांगडाले, दिलीप सोनवाने यांनी जिल्हाधिकाऱ्यांना तक्रार करून मजुरांना तात्काळ वेतन मॉईल प्रशासनाने द्यावा, अशी मागणी केली आहे.चिखला येथे कंत्राटदास मजुरांची सोशल डिस्टन्सिंग ठेवून सभा झाली. यात मजुरांनी कंत्राटदारांनी वेतन देण्याची एकमुखी मागणी केली तथा जिल्हाधिकाºयांना निवेदन पाठविण्यात आले. चिखला येथे भूमिगत खाण आहे. या भूमिगत खाणीत सदर मजूर जोखमीचे काम करतात. मॉईल प्रशासन भविष्यनिर्वाह निधी जमा करतो. १५ दिवसापर्यंत पुरेल इतके अन्नधान्य त्यांच्याकडे जमा होते. आता अन्नधान्य संपला आहे. मजुरांनी मॉयल प्रबंधकांशी भेटून चर्चा केली. त्यांनी संबंधित कंत्राटदारांना मजूरांचे वेतन देण्यास सांगण्यात आल्याचे सांगितले. परंतु कंत्राटदारानी अजुनपर्यंत मजुरांना वेतन दिले नाही.केंद्र शासनाच्या खाणीतील मजुरांची उपासमार सुरू असल्याची तक्रार मजुरांनी थेट केंद्रीय खाणमंत्री प्रल्हाद पटेल यांचेकडे केली आहे. लाकडाऊन संपल्यावर गोबरवाही येथे रास्ता रोको आंदोलन करण्याचा इशारा मजुरांनी दिला आहे. स्थानिक लोकप्रतिनिधींनीही राज्य शासनाकडे यासंदर्भात तक्रार केल्याची माहिती जिल्हा परिषद सदस्य संगिता सोनवाने, चिखलाचे माजी उपसरपंच दिलीप सोनवाने यांनी दिली.