नगरपरिषदेत येणाऱ्या प्रत्येकाचे थर्मल स्कॅनिंग

भंडारा शहरासह जिल्ह्यात कोरोना रुग्णांच्या संख्येत वाढ होत आहे. नागरिकांनी अधिक सतर्कता बाळगणे गरजेचे असून नागरिकांचे आणि कर्मचाऱ्यांचे हित लक्षात घेता नगरपरिषदेतील प्रत्येक कर्मचाऱ्याची रॅपीड अ‍ॅन्टीजन टेस्ट करण्याचा निर्णयही या बैठकीत घेण्यात आला.

ठळक मुद्देआढावा बैठक : कन्टेन्मेंट झोनवर विशेष लक्ष

लोकमत न्यूज नेटवर्कभंडारा : कोरोना संसर्गाचा वाढता प्रभाव बघता भंडारा नगरपरिषदेत येणाऱ्या प्रत्येकाचे थर्मल स्कॅनिंग करण्याचा निर्णय बुधवारी झालेल्या नगरपरिषदेच्या आढावा बैठकीत घेण्यात आला. शहरातील कन्टेन्मेंट झोनवर विशेष लक्ष देण्याची सूचनाही या बैठकीत करण्यात आली.भंडारा शहरासह जिल्ह्यात कोरोना रुग्णांच्या संख्येत वाढ होत आहे. नागरिकांनी अधिक सतर्कता बाळगणे गरजेचे असून नागरिकांचे आणि कर्मचाऱ्यांचे हित लक्षात घेता नगरपरिषदेतील प्रत्येक कर्मचाऱ्याची रॅपीड अ‍ॅन्टीजन टेस्ट करण्याचा निर्णयही या बैठकीत घेण्यात आला. बैठकीला नगराध्यक्ष खासदार सुनील मेंढे, उपाध्यक्ष दिनेश भुरे, सभापती आशू गोंडाणे, नगरसेवक रुबी चढ्ढा, कैलाश तांडेकर, बंटी मिश्रा, मंगेश वंजारी, मनोज बोरकर, पप्पू भोपे, अजीज शेख आणि मुख्याधिकारी विनोद जाधव उपस्थित होते.शहरातील कन्टेन्मेंट झोनवर विशेष लक्ष देऊन तो परिसर दैनंदिन निर्जंतूकीकरण करण्याचे निर्देश या बैठकीत करण्यात आले. तसेच मास्क न वापरणाऱ्या नागरिकांना दंड आणि गर्दी होणाऱ्या ठिकाणी संबंधितांवर कारवाई करण्याचेही निर्देश देण्यात आले आहेत. पावसाची शक्यता गृहीत धरून नाले सफाई आणि पाणी साचून राहण्याच्या समस्येच्या दृष्टीने प्रत्येक प्रभागामध्ये नगरसेवकांच्या सहकार्यातून पाहणी करण्याची सूचना करण्यात आली आहे. शहरातील भाजी मंडईचा परिसर निर्जंतूकीकरण करण्याचे आदेशही देण्यात आले आहेत.नियमांचे उल्लंघन, दंड वसूलशहरातील सर्व दुकाने आठवड्यातून एक दिवस मंगळवारी बंद ठेवण्याचे आदेश आहेत. परंतु नगरपरिषदेच्या पथकाने तपासणी केली असता मोठ्या बाजारातील संस्कृती साडी सेंटर उघडे दिसले. त्यामुळे त्या दुकानदारावर पाच हजार रुपये दंड आकारण्यात आला. तर बाजारात फिजीकल डिस्टन्सिंग न राखणाऱ्यांकडून दीड हजार रुपये दंड आकारण्यात आला. सार्वजनिक ठिकाणी चेहऱ्यावर मास्क न लावणे, वेळेवर दुकान बंद न करणे आणि फिजीकल डिस्टन्सिंगचे पालन न करण्याप्रकरणी १६ हजार ८०० रुपये दंड आकारण्यात आला आहे.