युवकाच्या हत्येप्रकरणी आरोपींवर कारवाई करा

राज्यात अनुसूचित जाती - जमाती अत्याचाराच्या घटनेत वाढ झाली असून नागपूरसह पुणे जिल्ह्यातील विराज जगताप याचा एका प्रेम प्रकरणावरून जातीयवाद्यांनी हल्ला केला. यासोबतच जळगाव, परभणी जिल्ह्यातील पाच तरुणांवर हल्ला झाला. तर अहमदनगर जिल्ह्यातील राहुल अडसूळ यांच्यावर गावातील लोकांनी मिळून हल्ला केला होता. जालना जिल्ह्यात एका परिवाराला टोळीने मारहाण केली होती.

ठळक मुद्देवंचित बहुजन आघाडीची मागणी : तहसीलदारांतर्फे मुख्यमंत्र्यांना निवेदन पाठवले

लोकमत न्यूज नेटवर्कलाखनी : नागपूर जिल्ह्यातील अरविंद बन्सोड या युवकाची भर रस्त्यात हत्या करण्यात आल्याने या प्रकरणाची सखोल चौकशी करून आरोपीतांवर कठोर कारवाई करण्याची मागणी वंचित बहुजन आघाडीच्या वतीने करण्यात आली असून लाखनीचे तहसीलदार मल्लीक विराणी यांच्यामार्फत मुख्यमंत्र्यांना निवेदन पाठविण्यात आले आहे.राज्यात अनुसूचित जाती - जमाती अत्याचाराच्या घटनेत वाढ झाली असून नागपूरसह पुणे जिल्ह्यातील विराज जगताप याचा एका प्रेम प्रकरणावरून जातीयवाद्यांनी हल्ला केला. यासोबतच जळगाव, परभणी जिल्ह्यातील पाच तरुणांवर हल्ला झाला. तर अहमदनगर जिल्ह्यातील राहुल अडसूळ यांच्यावर गावातील लोकांनी मिळून हल्ला केला होता. जालना जिल्ह्यात एका परिवाराला टोळीने मारहाण केली होती. जालना जिल्ह्यातील मनठा येथील शिक्षकाला जातीयवादी शिवीगाळ करून आत्महत्या करण्यास भाग पाडल्याची घटना घडली होती. परभणी जिल्ह्यातील निळा गावातील महिला सरपंचांना कोरोना काळात क्वारंटाईन केले म्हणून मारहाण केल्याची घटना घडली होती. औरंगाबाद जिल्ह्यातील आंतरजातीय प्रेमप्रकरणातून कुटुंबाची हत्या करण्यात आली होती. तसेच बीड जिल्ह्यातही समाजातील काही बांधवांनी हल्ला केला होता. अशा राज्यात विविध ठिकाणी अनेक घटना घडल्या असल्याने वाढत्या घटनांना रोखण्यासाठी वंचित बहुजन आघाडीतर्फे तहसीलदारांना निवेदन देण्यात आले. यावेळी जिल्हा संघटक दीपक जनबंधू, नेहाल कांबळे, मंगेश गेडाम, ओंकार कोवे, पवन गजभिये, अतुल नागदेवे, केशव रामटेके, प्रांजल लांडगे, अलबक्ष खान, सचिन रामटेके आदी उपस्थित होते.लाखांदूरात भारिप बहुजन महासंघाचे निवेदनलाखांदूर : भारिप बहुजन महासंघ लाखांदूर तालुका शाखेच्या वतीने अरविंद बन्सोड व विराट जगताप यांच्या खटल्याप्रकरणी सखोल चौकशी करून स्वतंत्र पोलीस निरीक्षकांच्या नेमणुकीसाठी लाखांदूर तहसीलदारांमार्फत मुख्यमंत्र्यांना निवेदन पाठविण्यात आले. राज्यात काही जिल्ह्यात अनुसूचित जाती जमाती अत्याचाराच्या घटनेत वाढ झाली आहे. अरविंद बन्सोड व विराट जपताप हे दोन युवक या अत्याचाराचे बळी ठरले आहेत. यासाठी आरोपींना कठोर शिक्षा व्हावी यासाठी विशेष सरकारी वकीलांची नियुक्ती करून जिल्हास्तरावर स्वतंत्र पोलीस निरीक्षकांची नियुक्ती करावी अशी मागणी संघटनेच्या वतीने करण्यात आली आहे. यासाठी भारिप बहुजन महासंघ लाखांदूरच्या वतीने तहसीलदार संतोष महल्ले यांच्यामार्फत मुख्यमंत्र्यांना निवेदन पाठविण्यात आले. यावेळी महासंघाचे अध्यक्ष युवराज सुखदेवे, उपाध्यक्ष स्वप्नील बन्सोड, आनंदराव लोखंडे, प्रकाश सुखदेवे, गुलजारीलाल बन्सोड यांच्यासह कार्यकर्ते उपस्थित होते.