कार्यक्रमाचे अध्यक्षस्थानी प्राचार्य विजय देवगिरकर, मार्गदर्शक धनंजय कुलकर्णी पोलीस उपनिरीक्षक, पोलीस नायक प्रमोद चेटुले, वाहतूक पोलीस नायक अश्विन भोयर यांच्या प्रमुख उपस्थितीत कार्यक्रमाचे आयोजन करण्यात आले. प्रास्ताविक क्रीडासंघटक शाहिद कुरैशी यांनी केले. कुरैशी यांनी रस्ता सुरक्षा अभियान अंतर्गत दुचाकी वाहन चालविताना हेल्मेटचा वापर, वेग मर्यादापेक्षा अतिवेगात वाहन चालवू नये अशा सूचना दिल्या. धनंजय कुलकर्णी यांनी विद्यार्थ्यांना सांगितले की, सडक सुरक्षा जीवन रक्षण, अपघातामध्ये होणारी वाढ ही फार दुर्भाग्यपूर्ण आहे, त्यासाठी छोट्या छोट्या गोष्टींकडे प्रामुख्याने लक्ष देणे गरजेचे आहे. रस्त्यावर धोकादायकरित्या वाहन चालवू नये, पादचाऱ्यांनी नेहमी फुटपाथचा वापर करावा, गाडी चालवितांनी मोबाईलचा प्रयोग करू नये, अशा सूचनाही दिल्या. कार्यक्रमासाठी महेश वघारे, विनोद हातझाडे, केशव कापगते, रामदास शहारे, बाबूराव उईके, साहू यांनी परिश्रम केले. कार्यक्रमाचे आभार प्रा. प्रशांत शिवणकर यांनी मानले.
८लोक१०