शहर राष्ट्रवादी काँग्रेसची मागणी
भंडारा : शहरातील अति वर्दळीचे असलेले सामान्य रुग्णालय ते बीटीबी मार्केट पर्यंतचा व तसेच मुस्लिम लायब्ररी चौक ते त्रिमूर्ती चौक पर्यंतचा रास्ता हा अत्यंत दयनीय अवस्थेत असून पावसाळ्यात या रस्त्यांच्या खड्ड्यात पडून कुणाचा जीव जाईल, याची शक्यता नाकारता येत नाही. अशा परिस्थितीत दोन्ही रस्ते त्वरित दुरुस्त करण्यात यावे, अन्यथा रस्त्यावर उतरून आंदोलन करण्यात येईल, असे निवेदन शहर राष्ट्रवादी काँग्रेस तर्फे जिल्हाध्यक्ष नाना पंचबुद्धे व धनंजय दलाल यांच्या मार्गदर्शनाखाली व आशिष दलाल यांच्या नेतृत्वाखाली नगरपरिषद मुख्याधिकारी यांना देण्यात आले.
याप्रसंगी यशवंत सोनकुसरे, बाळा गभने, गणेश चौधरी, नितीन तुमाने, गणेश बानेवार, हिमांशू मेंढे, अमन मेश्राम, मयूर पंचबुद्धे, सोनू कनोजे, निशांत बुरडे, पियूष न्यायकरे, हर्षा वैद्य, पौर्णिमा वाहने, शुभम बागडे, अजय आजबले, निलकमल बन्सोड व अन्य पदाधिकारी उपस्थित होते.