भंडारा जिल्ह्यात ओला दुष्काळ जाहीर करून नुकसान भरपाई द्या

यावर्षी समाधानकारक पाऊस असल्याने धानाचे भरघोस उत्पादन येण्याची खात्री होती. काही भागात हलक्या प्रतीच्या धानाची कापणी झाली असून, कुठे कापणी सुरू आहे, तर पुढील काही दिवसात कापणीस योग्य होईल अशी स्थिती आहे. चांगले उत्पादन येण्याच्या आशेने शेतकरी आनंदात होते. परंतु, गत आठवड्यात संपूर्ण परिसराला परतीच्या पावसाने झोडपून काढले.

ठळक मुद्देनरेंद्र भोंडेकर : जिल्हाधिकाऱ्यांना दिले निवेदन

लोकमत न्यूज नेटवर्कभंडारा : गत आठवड्यात झालेल्या परतीच्या पावसाने भंडारा व पवनी या दोन्ही तालुक्यात हजारो हेक्टरमधील धान पिकाचे प्रचंड नुकसान झाले असून, तातडीने पंचनामे करुन भंडारा जिल्हा ओला दुष्काळ जाहीर करावा, अशी मागणी भंडारा मतदार संघाचे नवनिर्वाचित आमदार नरेंद्र भोंडेकर यांच्या नेतृत्वातील शिष्टमंडळाने जिल्हाधिकाऱ्यांना दिलेल्या निवेदनातून केली आहे.यावर्षी समाधानकारक पाऊस असल्याने धानाचे भरघोस उत्पादन येण्याची खात्री होती. काही भागात हलक्या प्रतीच्या धानाची कापणी झाली असून, कुठे कापणी सुरू आहे, तर पुढील काही दिवसात कापणीस योग्य होईल अशी स्थिती आहे. चांगले उत्पादन येण्याच्या आशेने शेतकरी आनंदात होते. परंतु, गत आठवड्यात संपूर्ण परिसराला परतीच्या पावसाने झोडपून काढले. यामुळे शेतात उभा कापणी योग्य धान भूईसपाट झाला असून, शेतात पाणी साचल्याने कापणी झालेला धान सडत आहे. यामुळे शेतकरी बांधवांचे मोठे नुकसान झाले असून, दिवाळीच्या आनंदावर विरजण पडले आहे. दरम्यान, आमदार नरेंद्र भोंडेकर यांनी नुकसानीची पाहणी केली.नैसर्गिक आपत्तीमुळे संकटात सापडलेल्या शेतकऱ्यांना धीर देत सर्वतोपरी मदत मिळवून देण्याचे आश्वासन दिले. अवकाळी पावसामुळे नुकसानीचे कृषी व महसूल विभागाने तातडीने पंचनामे करावे, नुकसानीचा अहवाल शासनाकडे सादर करावा, शेतकºयांना नुकसान भरपाई म्हणून प्रति हेक्टर २५ हजार रुपये आर्थिक मदत देण्यात यावी, अशी मागणी त्यांनी निवेदनातून केली आहे. शिष्टमंडळात शिवसेनेचे संजय रेहपाडे, अनिल गायधने, यशवंत वंजारी, राजेश सार्वे, नरेश झलके, राजू ब्राम्हणकर, सुधाकर साठवणे, नरेश बोपचे, क्रिष्णा ठोसरे, विजय कुंभरे, मयुर लांजेवार यांच्या सहभाग होता.