प्रकाश पचारे यांचा सत्कार

भुयार-: पत्रकार संघ असोसिएशन पवनीच्यावतीने मच्छी उत्पादक सहकारी संस्थेचे अध्यक्ष प्रकाश पचारे यांचा सत्कार गणतंत्रदिनी करण्यात आला. प्रकाश पचारे यांनी विविध क्षेत्रात व कोविडच्या कालावधीत केलेल्या सामाजिक कार्याची दखल घेऊन सत्काराचा कार्यक्रम पत्रकार संघाचे अध्यक्ष डॉ. भागवत आकरे यांच्या अध्यक्षतेखाली घेण्यात आला. अतिथी म्हणून ज्येष्ठ पत्रकार धनंजय जटाल,उपाध्यक्ष चरणदास बावणे,पत्रकार ब्रम्हदास बागडे उपस्थित होते. उपस्थित मान्यवरांनी त्यांच्या कार्यावर प्रकाश टाकला. असोसिएशन तर्फे शाल प्रशस्तीपत्र व सन्मानचिन्ह देऊन प्रमुख अतिथींच्या हस्ते सत्कार करण्यात आला. प्रास्ताविक संदीप येलशेट्टीवार यांनी तर संचालन संघाचे सचिव शाहिद अली यांनी केले. आभार शरद देवाडे यांनी केले. कार्यमाला चक्रधर मेश्राम, विलास गिरडकर, हरेश देशमुख, विशाल रणदिवे आदी उपस्थित होते.