लोकमत न्यूज नेटवर्कभंडारा : जिल्ह्यात कोरोना विषाणू संसर्गाने गंभीर परिस्थिती निर्माण केली आहे. शनिवारी १३८ व्यक्ती पॉझिटिव्ह आढळल्यानंतर रविवारी तब्बल ११९ रुग्ण बाधीत आढळली आहेत. परिणामी जिल्ह्यात एकुण बाधीतांची संख्या २००३ वर पोहोचली आहे. तसेच कोरोनाने भंडारा व तुमसर तालुक्यातील प्रत्येकी एका रुग्णाचा मृत्यू झाल्याने आतापर्यंत ३५ जणांचा मृत्यू कोरोना संसर्गाने झाला आहे. बाधीतांची संख्या सातत्याने वाढत असल्याचेही दिसून येत आहे. विशेष म्हणजे सर्वाधिक कोरोनबाधितांची संख्या भंडारा तालुक्यात सर्वाधिक आहे. २००३ पैकी ९८२ रुग्ण एकट्या भंडारा तालुक्यात आहे.तालुकानिहाय रुग्ण संख्यातालुकानिहाय कोरोना बाधीतांच्या संख्येवर नजर घातल्यास भंडारा तालुक्यात ९८२, साकोली १२८, लाखांदूर ६१, तुमसर २०६, मोहाडी २६१, पवनी १६२ तर लाखनी तालुक्यात बाधितांची संख्या २०३ वर पोहोचली आहे. रविवारी आढळलेल्या ११९ रुग्णांपैकी भंडारा तालुक्यात ५६, साकोली १४, लाखांदूर ०१, तुमसर १४, मोहाडी ०१, पवनी १२ तर लाखनी तालुक्यात २१ रुग्ण आढळले आहेत.आतापर्यंत ९७३ जणांना सुटीजिल्ह्यात एकुण कोरोना बाधीतांची संख्या २००३ झाली आहे. यापैकी ९७३ पॉझिटिव्ह रुग्ण निगेटिव्ह होऊन घरी परतले आहेत. रविवारी ३६ जणांना रुग्णालयातून सुटी देण्यात आली. आतापर्यंत आयसोलेशन वॉर्डातून १४२४ व्यक्तींना सुटी देण्यात आली आहे. या वॉर्डात आता १४४ व्यक्ती भरती आहेत. जिल्ह्यात अॅन्टीजेन टेस्ट कीटद्वारे १३६०६ व्यक्तींची तपासणी करण्यात आली असून त्यामध्ये आतापर्यंत १३२१ व्यक्ती पॉझिटिव्ह आढळले.लोक हो असे का वागता...जिल्ह्यात कोरोनाबाधितांची संख्या सातत्याने वाढत आहे. त्यात भंडारा तालुका आघाडीवर आहे. आजाराला घाबरण्याचे कारण नाही. मात्र खबरदारीचा उपाय करताना नागरिक तोकडे पडत असल्याचे दृष्टीक्षेपात येत आहे. एकट्या भंडारा शहरात रुग्णसंख्या तीन आकड्यांच्या घरात पोहोचलेली असताना लोक हो असे का वागता अशी म्हणायची वेळ आली आहे.
कोरोनाबाधितांची संख्या दोन हजार पार
By लोकमत न्यूज नेटवर्क | Updated: September 7, 2020 05:00 IST