तुमसर: स्थानिक विवेकानंद नगरातील वृत्तपत्र विक्रेता विजय मोतीलाल मेश्राम यांचे ११ जानेवारी रोजी अल्पशा आजाराने निधन झाले. त्यांच्या मागे पत्नी दोन मुली। मुलगा असा परिवार आहे. आर्थिक परिस्थिती हलाखीची असल्याने त्यांच्या कुटुंबीयांवर दुःखाचा डोंगर कोसळला आहे अशा विपरीत परिस्थितीत तुमसर येथील वृत्तपत्र विक्रेता संघटनाने मृत विजय मेश्राम यांच्या परिवारास १० हजार रुपयांची आर्थिक मदत करून ऋणानुबंध जोपासले आहे
गत ४० वर्षापासून उन्हाळा हिवाळा पावसाळा कशाची तमा न बाळगता नित्यनेमाने विविध वर्तमानपत्र भल्या पहाटे लोकांच्या दारात टाकणारा विजय मेश्राम यांच्या व परिवाराचा उदरनिर्वाह याच व्यवसाया वर चालत होते मात्र घरातील कर्ता व्यक्तीचे असे अकस्मात निधन झाल्याने त्या परिवाराची कशी आर्थिक कोंडी होते हे केवळ त्या परिवारालाच ठाऊक राहते त्यावेळी गरज असते ती आर्थिक मदतीची आणि तीच १० हजार रुपयांची आर्थिक मदत करून वृत्तपत्र विक्रेता संघटनेने आपले एवढ्या वर्षाच्या ऋणानुबंधाचा परिचय समाजाला करून दिला यावेळी वृत्तपत्र संघटनेचे पदाधिकारी संजीव थोटे, देवचंद टेंभरे, नितीन खोब्रागडे, माणिकचंद टेंभरे, लीलाधर मेश्राम, कृष्णकांत बडवाईक, विनोद मेश्राम, सुरेंद्र लाडसे, रवी साठवणे, व इतर वृत्तपत्र विक्रेता संघटनेचे पदाधिकारी उपस्थित होते