मेटॉडोअरची स्कूल बसला धडक

दोन मेटॉडोअरने एकमेकाला धडक दिल्यानंतर विद्यार्थी वाहून नेणाºया स्कूल बसला मागून धडक दिली.

ठळक मुद्देकारधा वैनगंगा पुलावरील घटना : आठ विद्यार्थी सुदैवाने बचावले

लोकमत न्यूज नेटवर्कभंडारा : दोन मेटॉडोअरने एकमेकाला धडक दिल्यानंतर विद्यार्थी वाहून नेणाºया स्कूल बसला मागून धडक दिली. यात सुदैवाने आठ विद्यार्थी बचावले. ही घटना कारधा वैनगंगा नदीपुलावर दुपारी ३.३० वाजताच्या सुमारास घडली.माहितीनुसार, शहरातील रॉयल पब्लिक शाळेची विद्यार्थ्यांना घेऊन जाणारी स्कूल बस क्रमांक एमएच ३६ / ६५८ ला मागेहून येणाºया दोन मेटॉडोअरने धडक दिली. यात मेटॉडोअर क्रमांक एमएच ४० वाय १४१, एमएच ३१ एपी ४५०७ या वाहनांचा समावेश होता. यात एका मेटॉडोअरने समोरील मेटॉडोअरला तर दुसºया मेटॉडोअरने स्कूल बसला धडक दिली. हा प्रकार चक्क पुलावर घडल्याने व सदर स्कूल बस समोरून येणाºया वाहनाला जाऊन टिकल्याने थोडक्यात मोठी जनहानी टळली. या बसमध्ये आठ विद्यार्थी उपस्थित होते. या अपघातामुळे नदीपुलावरील वाहतूक जवळपास एक तास बंद होती. वाहनांची लांब रांग दोन्ही बाजुला दिसून येत होती. कारधा पोलिसांनी घटनेची नोंद केली असून तपास सुरू आहे.