रविवारी तब्बल ६४ व्यक्ती कोरोनाबाधित

तालुकानिहाय कोरोना बाधितांच्या संख्येवर नजर घातल्यास सर्वाधिक रुग्ण भंडारा तालुक्यात दिसून येत आहे. आतापर्यंत भंडारा तालुक्यात २८०, साकोली ८१, लाखांदूर ३४, तुमसर १०४, मोहाडी १६४, पवनी ५८ तर लाखनी तालुक्यात ९९ रुग्ण पॉझिटिव्ह आढळले आहेत. रविवारी आढळलेल्या ६४ रुग्णांपैकी भंडारा तालुक्यात १५, लाखांदूर तालुक्यात ७, तुमसर ६, मोहाडी १०, पवनीत ७ तर सर्वाधिक रुग्ण लाखनी तालुक्यात १९ रुग्ण बाधित आढळले आहे.

ठळक मुद्देमृत्यू संख्या १३ वर : आतापर्यंत तुमसर १०४, मोहाडी १६४ तर लाखनी तालुक्यात ९९ जण पॉझिटिव्ह

लोकमत न्यूज नेटवर्कभंडारा : जिल्ह्यात कोरोना विषाणू संसर्गाने गंभीर परिस्थिती निर्माण केली आहे. शनिवारी २६ व्यक्ती पॉझिटिव्ह आढळल्यानंतर रविवारी तब्बल ६४ रुग्ण बाधीत आढळली आहेत. परिणामी जिल्ह्यात एकूण बाधितांची संख्या ८२० वर पोहोचली आहे. तसेच कोरोनाने मोहाडी तालुक्यातील रहिवासी असलेल्या एका रुग्णाचा मृत्यू झाल्याने आतापर्यंत १३ जणांचा मृत्यू कोरोना संसर्गाने झाला आहे. बाधितांची संख्या सातत्याने वाढत असल्याचेही दिसून येत आहे.तालुकानिहाय कोरोना बाधितांच्या संख्येवर नजर घातल्यास सर्वाधिक रुग्ण भंडारा तालुक्यात दिसून येत आहे. आतापर्यंत भंडारा तालुक्यात २८०, साकोली ८१, लाखांदूर ३४, तुमसर १०४, मोहाडी १६४, पवनी ५८ तर लाखनी तालुक्यात ९९ रुग्ण पॉझिटिव्ह आढळले आहेत. रविवारी आढळलेल्या ६४ रुग्णांपैकी भंडारा तालुक्यात १५, लाखांदूर तालुक्यात ७, तुमसर ६, मोहाडी १०, पवनीत ७ तर सर्वाधिक रुग्ण लाखनी तालुक्यात १९ रुग्ण बाधित आढळले आहे.जिल्हा आरोग्य यंत्रणेकडूनही वाढती रुग्णसंख्या पाहता अधिक जबाबदारी घेतली जात आहे. स्थिती नियंत्रणात असली तरी वाढत्या रुग्णसंख्येने चिंतेत भर घातली आहे. भंडारा शहरातही गत आठवड्याभरात रुग्णसंख्या सातत्याने वाढत आहे. याच पार्श्वभूमीवर भंडारा शहरात रविवारी फक्त भाजीबाजार वगळता सर्व व्यापारी प्रतिष्ठाने बंद ठेवण्याचे निर्देश पालिका प्रशासनाने दिले होते. याला नागरिकांनीही प्रतिसाद दिला असला तरी व्यापाऱ्यांमध्ये असंतोष व्याप्त आहे.सकाळी ११ वाजताच्या सुमारास स्थानिक प्रशासन व पोलिस प्रशासनाच्या पथकाने व्यापाऱ्यांना दुकाने बंद करण्यास लावली. रविवार हा आठवडी बाजाराचा दिवस असल्याने या दिवशी सर्वात जास्त उलाढाल होत असते. दरम्यान प्रशासनाच्या निर्देशानंतर बंद ठेवण्यात आले असले तरी व्यापाºयांनी यावर नापसंती व्यक्त केल्याचे रविवारला दिसून आले.जिल्ह्यात आतापर्यंत १ लक्ष १५ हजार ६७८ नागरिकांनी आरोग्य सेतु अ‍ॅप डाऊनलोड करुन त्याचा उपयोग केला आहे. जिल्हा आरोग्य विभागाच्यावतीने ११९६९ व्यक्तींच्या घशातील स्वॅबचे नमुणे तपासणीसाठी नागपूर येथे पाठविले आहे.४५७ रुग्ण पॉझिटिव्ह टू निगेटिव्हजिल्ह््यात एकुण कोरोना बाधितांची संख्या ८२० झाली आहे. यापैकी ४५७ पॉझिटिव्ह रुग्ण निगेटिव्ह होऊन घरी परतले आहेत. रविवारी ११ जणांना रुग्णालयातून सुटी देण्यात आली. आतापर्यंत आयसोलेशन वॉर्डातून १०५८ व्यक्तींना सुटी देण्यात आली आहे. या वॉर्डात आता १७४ व्यक्ती भरती आहेत. जिल्ह्यात अ‍ॅन्टीजेन टेस्ट कीटद्वारे ६१०८ व्यक्तींची तपासणी करण्यात आली असून त्यामध्ये आतापर्यंत २३९ व्यक्ती पॉझिटिव्ह आढळले आहेत. ५८६९ व्यक्तींचा अहवाल निगेटिव्ह आला आहे. तिव्र श्वासदाहचे १८२ व्यक्तींना भरती करण्यात आले आहेत. त्यापैकी नऊ जणांचा अहवाल पॉझिटिव्ह आला आहे तर १७३ व्यक्तींचे नमुने निगेटिव्ह आहेत. आरोग्य कर्मचाºयांमार्फत घरोघरी जाऊन सर्वेक्षणाचे कार्यही सुरु आहे.आयसोलेशन वॉर्डात एका रुग्णाचा मृत्यूजिल्हा रुग्णालयातून आयसोलेशन वॉर्डात उपचार सुरु असलेल्या एका ५६ वर्षीय पुरुषाचा कोरोनाने मृत्यू झाला. सदर व्यक्ती मोहाडी तालुक्यातील रहिवासी असल्याचे जिल्हा प्रशासनाने सांगितले. परिणामी कोरोनामुळे मृत्यूमुखी पडलेल्या व्यक्तींची संख्या १३ झाली आहे.