कारची ट्रकला धडक खरबी नाका येथील घटना

नागपूरहून भंडारा दिशेने जाणाऱ्या ट्रकला मागेहून येणाऱ्या कारने धडक दिली. यात ट्रकने कारला काही अंतरापर्यंत घासत नेले.

आॅनलाईन लोकमतजवाहरनगर/खरबी : नागपूरहून भंडारा दिशेने जाणाऱ्या ट्रकला मागेहून येणाऱ्या कारने धडक दिली. यात ट्रकने कारला काही अंतरापर्यंत घासत नेले. या अपघातात चार इसम जखमी झाले. ही घटना काल मंगळवारी खरबी (नाका) शेतशिवारात राष्ट्रीय महामार्गावरील गॅस गोडावून जवळ घडली. वरठी येथील रहिवासी मनोज शामराव वंजारी (३०) हे कुटुंबासोबत नागपूरहून भंडाऱ्याकडे स्वत:च्या कार क्रमांक एमएच ३६ एच ७४०२ समोरील ट्रकला मागच्या बाजूने धडक दिली.परिणामी कार ट्रकमध्ये अडकली. याबाबत ट्रक चालकाला भास न झाल्याने काही अंतरापर्यंत कार फरफटत गेली. ट्रकचालकाला सूचना मिळताच ट्रक थांबला. यातील दोन इसम निशिध चोपकर (२३) व तारसाबाई वंजारी (६०) हे जखमी झाले. इतर दोन इसम किरकोळ जखमी झाल्याची माहिती आहे. घटनेची माहिती मिळताच पोलिस घटनास्थळी दाखल झाले. जवाहरनगर पोलिसांनी कारचालकाविरुद्ध गुन्हा दाखल केला. तपास पोलीस हवालदार भगवान सोडगीर करीत आहेत.