रोग, कीडीसंदर्भात बांधावर कृषी अधिकाऱ्यांचे मार्गदर्शन

तालुक्यातील खमारी बुट्टी, बेलगाव, मंडनगाव, मांडवी येथील शेतकºयांना धान पिकावरील गादमाशी, खोडकिडा, कडाकरपा या रोग किडींची ओळख व त्यावरील उपायोजना संबंधी प्रात्यक्षिकातून माहिती दिली. यावेळी त्यांनी तालुक्यातील लागवड केलेल्या पट्टापद्धत, दोरीच्या साह्याने लागवड केलेली श्री पद्धत, जिओ-टॅगिंग, क्रॉपसॅप सर्वेक्षणाचा आढावा घेतला.

ठळक मुद्देपिकांची पाहणी : फवारणीबाबत काळजी घ्या, कीड रोखण्यावर उपाययोजना

लोकमत न्यूज नेटवर्कभंडारा : कधी संततधार पाऊस तर कधी ऊन पडत असल्यामुळे धान पिकावर विविध किड रोगांचा प्रादूर्भाव वाढत चालला आहे. यासाठी भंडारा तालुका कृषी अधिकारी अविनाश कोटांगले यांनी आपल्या सहकाऱ्यांसोबत तालुक्यातील विविध गावात भेटी देत शेतकऱ्यांच्या बांधावर जाऊन धान पिकावरील कीडरोग व्यवस्थापन व फवारणीबाबत मार्गदर्शन केले.तालुक्यातील खमारी बुट्टी, बेलगाव, मंडनगाव, मांडवी येथील शेतकऱ्यांना धान पिकावरील गादमाशी, खोडकिडा, कडाकरपा या रोग किडींची ओळख व त्यावरील उपायोजना संबंधी प्रात्यक्षिकातून माहिती दिली. यावेळी त्यांनी तालुक्यातील लागवड केलेल्या पट्टापद्धत, दोरीच्या साह्याने लागवड केलेली श्री पद्धत, जिओ-टॅगिंग, क्रॉपसॅप सर्वेक्षणाचा आढावा घेतला. पाहणीदरम्यान त्यांच्यासोबत भंडारा मंडळ कृषी अधिकारी विजय हुमणे, तालुका तंत्रज्ञान व्यवस्थापक सतीश वैरागडे, कृषी सहाय्यक हेमा तिडके, कृषीमित्र नाशिक वडोळे, शेतकरी उपस्थित होते.सध्या पिके समाधानकारक दिसत असली तरी सातत्याने वातावरण बदल होत असल्याने बारीक धानावर गादमाशी, खोडकिडा, पानावरील ठिपके, कडा करपाचा प्रादूर्भाव वाढत आहे. यासाठी शेतकऱ्यांनी घाबरून न जाता कृषी विभागाच्या मार्गदर्शनात युरिया खताचा वापर टाळून व कोणती औषध फवारणी केली पाहिजे व पिकांची कशी काळजी घ्यावी, याबाबत मार्गदर्शन केले. यावेळी भंडारा मंडळ अधिकारी विजय हुमणे यांनी शेतकºयांना दररोज सकाळी पिकांची नियमितपणे पाहणी करण्याचा सल्ला दिला.अशी करावी तजवीजधान पिकावर सातत्याने बदलणाºया वातावरणामुळे कडाकरपा खोडकिडा माशीचा प्रादूर्भाव काही ठिकाणी दिसून येत असल्याने शेतकऱ्यांनी वेळीच लक्ष देणे गरजेचे आहे. यासाठी कडा, करपा रोगासाठी स्टेप्टोसायक्लीन झिरो पॉईंट पाच ग्रॅम प्रती दहा लीटर पाण्यात, करपा रोगासाठी काबँन्डिझम ५० टक्के, गादमाशीसाठी फिप्रोनिल ०.३ टक्के २५ किलो प्रती हेक्टरी खोडकिडीसाठी कॉरटॉप हॉयड्रोक्लोराईड ५० टक्के, एएसपी १० ग्रॅम १० लीटर पाण्यात मिसळून फवारणी करावी, असे आवाहन तालुका कृषी अधिकारी कोटांगले यांनी केले आहे.यावेळी पिकांच्या नुकसानीचा आढावाही घेण्यात आला.