लोकमत न्यूज नेटवर्कभंडारा : शहरासह जिल्ह्यात ईद-ए-मिलादुन्नबी हा सण बुधवारी उत्साहात साजरा करण्यात आला. भंडारा शहरासह जिल्ह्यात ठिकठिकाणी मिरवणूक काढण्यात आली.ईद-ए-मिलाद म्हणजे अल्लाहचे प्रेशीत हजरत महम्मद पैगंबर यांचा जन्मदिवस. इस्लामी वर्ष हिजरी रब्बी अवल महिन्याच्या १२ तारखेला जगभर हा सण साजरा केला जातो. भंडारा शहरात मंगळवारी मिरवणूक काढण्यात आली होती. यात हजारो नागरिक सहभागी झाले होते. तुमसर येथील आझाद वॉर्ड स्थित अशरफी कॉलनी परिसरातील एका तलावात मक्का मदिनाची प्रतिकृती साकारण्यात आली होती. तुमसरवासीयांसाठी ही प्रतिकृती आकर्षणाचा केंद्रबिंदू ठरली होती. ईदनिमित्त जिल्हाभर उत्साह दिसला.
ईद-ए-मिलादुन्नबी उत्साहात
By लोकमत न्यूज नेटवर्क | Updated: November 21, 2018 21:51 IST