जिल्हा बँकेतर्फे मुख्यमंत्री सहायता निधीला २१ लाख

कोरोना संकट सर्वत्र घोंघावत आहे. कोरोनाच्या लढाईसाठी मोठ्या प्रमाणात आर्थिक निधीची गरज आहे. त्यासाठी येथील जिल्हा मध्यवर्ती बँकेचे अध्यक्ष सुनील फुंडे यांनी पुढाकार घेतला.

ठळक मुद्देकोरोना उपाययोजना : धनादेश नाना पटोले यांच्या सुपूर्द

लोकमत न्यूज नेटवर्कभंडारा : येथील जिल्हा मध्यवर्ती सहकारी बँकेने कोरोना प्रतिबंध उपाययोजनेसाठी २१ लाखांची मदत मुख्यमंत्री सहाय्यता निधीला केली आहे. या निधीचा धनादेश विधानसभा अध्यक्ष नाना पटोले यांच्या सुपूर्द जिल्हा मध्यवर्ती बँकेचे अध्यक्ष सुनील फुंडे यांनी बुधवारी केला.कोरोना संकट सर्वत्र घोंघावत आहे. कोरोनाच्या लढाईसाठी मोठ्या प्रमाणात आर्थिक निधीची गरज आहे. त्यासाठी येथील जिल्हा मध्यवर्ती बँकेचे अध्यक्ष सुनील फुंडे यांनी पुढाकार घेतला.बँकेच्या वतीने २१ लाख रुपये देण्याचा निर्णय घेण्यात आला. त्यानुसार बुधवारी बँकेच्या सभागृहात झालेल्या बैठकीत हा धनादेश विधानसभा अध्यक्ष नाना पटोले यांच्या सुपूर्द करण्यात आला.यावेळी आमदार राजू कारेमोरे, आमदार नरेंद्र भोंडेकर, जिल्हा बँकेचे उपाध्यक्ष सदाशिव वलथरे, संचालक कैलाश नशिने, विनायक बुरडे, प्रशांत पवार, प्रेमसागर गणवीर, अशोक मोहरकर, नरेंद्र बुरडे, रामलाल चौधरी, योगेश हेडाऊ, होमराज कापगते, रामदयाल पारधी, श्रीकांत वैरागडे, अंजिरा चुटे, वासुदेव तिरमारे, बँकेचे सरव्यवस्थापक संजय बरडे आदी उपस्थित होते.