माजी सैनिक महिला बचत गटाद्वारे चार हजार मास्कचे वितरण

जगात कोवीड-१९ ने थैमान घातला आहे. कुठेही प्रतिबंधात्मक औषध बाजारात उपलब्ध नाही. मात्र यावर प्राथमिक उपाय म्हणून लोकांनी संपर्क टाळणे, शिकतांनी व खोकलतानी नाकावर व तोंडावर रूमाल ठेवणे, साबनांनी पाणी वापरून हात स्वच्छ धुवावे, संवाद करताना एक मिटरचे अंतर ठेवणे अर्थात दैनिक जीवनात वावरत असताना नाका व तोंडावर मास्क असणे गरजेचे आहे.

ठळक मुद्देठाणा गाव मास्कयुक्त करण्याचा निर्धार : नफ्यातून केली कापडाची खरेदी

लोकमत न्यूज नेटवर्कजवाहरनगर : भंडारा तालुक्यातील ठाणा येथील माजी सैनिक महिला बचत गटाने नफ्यातून चार हजार मास्कची निर्मिती करुन ठाणा गाव मास्कयुक्त करण्याचा निर्धार केला आहे. यासह भंडारा-नागपूर सीमेवर गरजुंना भोजन वितरण करण्यात आले. या स्तुत्य उपक्रमाने परिसरातील नागरिक भारावून गेले.जगात कोवीड-१९ ने थैमान घातला आहे. कुठेही प्रतिबंधात्मक औषध बाजारात उपलब्ध नाही. मात्र यावर प्राथमिक उपाय म्हणून लोकांनी संपर्क टाळणे, शिकतांनी व खोकलतानी नाकावर व तोंडावर रूमाल ठेवणे, साबनांनी पाणी वापरून हात स्वच्छ धुवावे, संवाद करताना एक मिटरचे अंतर ठेवणे अर्थात दैनिक जीवनात वावरत असताना नाका व तोंडावर मास्क असणे गरजेचे आहे. बाजारात महागडे मास्क नागरिक खरेदी करू शकत नाही. हे लक्षात घेवून ठाणा पेट्रोलपंप येथील माजी सैनिक महिला बचत गटाद्वारे स्वत:कडे उपलब्ध असलेली शिलाई मशीनचा वापर करीत बचत गटातील नफ्याच्या अर्थसहाय्याने व माजी सैनिकांच्या मासिक १० टक्के निवृत्ती वेतनातील वाट्याद्वारे मास्कचे शिवनकाम केले.ठाणा गावातील १५ वर्षावरील सर्व नागरिकांना मास्कचे वितरण करण्यात आले. आजघडीला साडेचार हजार मास्कचे वितरण करण्यात आले. संपूर्ण ठाणा गाव मास्कयुक्त करण्याचा प्रण माजी सैनिक कुटुंबियांनी घेतला आहे.यासोबतच गरजुंंना भोजन वितरण करण्यात आले.यात माजी सैनिक महिला बचत गटाच्या जयश्री पिंगळे, पल्लवी सुखदेवे, कुंदलता उके, रमा रामटेके, चंदा कारेमोरे, नंदिता ठवकर, शोभा हटवार, रोशनी धावडे, प्रमिला निपाने, माजी सैनिक संघटना ठाणा पेट्रोलपंपचे सुभेदार रामचंद्र कारेमोरे, अनिल भोंगाडे, मनिष सुर्यवंशी, राहुल रामटेके, प्रकाश काटेखाये, अशोक गायधने, आनंदराव चरडे, शैलेंद्र हटवार, योगेश बावनकुळे, अविनाश येरपुडे, सुरेश धावडे, परमेश्वर घाटोळे, ग्रामस्थामध्ये राजेश ठवकर, संजय खापडे, सोनु कुर्वेती आदींनी विशेष सहकार्य केले.