बेपत्ता अभिकर्त्याचा आढळला मृतदेह

अलिम खाँ ईस्माईल खाँ पठाण(४७) रा बारव्हा असे मृतक वसुली अभिकर्त्याचे नाव आहे. या घटनेने तालुक्यात एकच खळबळ उडाली आहे. तक्रारीवरुन दिघोरी पोलीसांनी तपास व शोध मोहिम राबविली असता तब्बल महिनाभरानंतर बेपत्ता वसुली अभिकत्यार्चा मृतदेहच आढळला.

ठळक मुद्देघातपाताची शक्यता : दांडेगाव जंगलातील घटना

लोकमत न्यूज नेटवर्कलाखांदूर : एका पतसंस्थेअंतर्गत कार्य करीत असलेला वसुली अभिकर्ता व महिनाभरापासून बेपत्ता असलेल्या इसमाचा सोमवारी दांडेगावच्या घनदाट जंगलात मृतदेह आढळला. अलिम खाँ ईस्माईल खाँ पठाण(४७) रा बारव्हा असे मृतक वसुली अभिकर्त्याचे नाव आहे. या घटनेने तालुक्यात एकच खळबळ उडाली आहे. तक्रारीवरुन दिघोरी पोलीसांनी तपास व शोध मोहिम राबविली असता तब्बल महिनाभरानंतर बेपत्ता वसुली अभिकत्यार्चा मृतदेहच आढळला.माहितीनुसार, अलिम खाँ पठाण हे १७ जुन रोजी बारव्हा येथुन लाखांदुर येथे स्वत:चे दुचाकी क्रमांक एम एच ३६ ई २८२६ ने गेला होता. यावेळी घरुन निघुन जात असताना त्यांच्या खिशात अंदाजे ५० हजार रुपये रोख रक्कम होती. संध्याकाळी ऊशिरापर्यंत घरी न परतल्याने त्यांचा सर्वत्र शोध घेण्यात आला. शोधाशोध करुनही माहिती न मिळाल्याने कुटुंबियांनी १८ जुन रोजी दिघोरी पोलीसांत बेपत्ता झाल्याची तक्रार केली.तक्रारीवरुन दिघोरी पोलीसांनी तब्बल महिनाभर तपास चक्रे फिरविली असता अखेर दांडेगाव येथील घनदाट जंगलात दुचाकीसह कुजलेल्या अवस्थेत त्यांचा मृतदेह आढळला. दांडेगाव वनक्षेञात वनमजुर म्हणुन कार्यरत ए. एन. कुळसुंगे यांना गस्तीवर असताना मृतदहे आढळला. वनमजुराने याची माहिती लाखांदूर वनपरीक्षेत्र कार्यालयासह दिघोरी पोलीसांना दिली. वनपरिक्षेत्राधिकारी आर.एस. दोनोडे, वनरक्षक एस. जी. खंडागळे, वनपाल व्हि. बी. पंचभाई, वनरक्षक जी.डी. हत्ते , बि एस पाटील , ठाणेदार निलेश गावंडे , पो हवा. विष्णु थंडार्ते यांसह अन्य पोलीस कर्मचारी घटनास्थळी दाखल झाले.घटनास्थळी आढळली दुचाकी व चप्पलज्या ठिकाणी अलिम खाँ यांचा मृतदेह आढळला घटनास्थळापासुन अंदाजे १० ते १२ फूट अंतरावर पठाण यांची दुचाकी आढळली. ५ ते ७ फूट अंतरावर त्यांची चप्पल आढळली. मृतदेह कुजलेल्या अवस्थेत एका बांबुच्या झाडालगत आढळुन आला. त्यांची हत्या तर झाली नसावी, असा कयास व्यक्त केला जात आहे. शेवटच्या वेळी त्यांच्याजवळ रोख रक्कम होती. यावरून त्यांचा कुणी घात केला नसावा, अशी चर्चा आहे.