तुमसर : तालुक्यातील खापा येथील शालेय व स्पर्धात्मक परीक्षेची तयारी करणाऱ्या विद्यार्थ्यांकरिता येथील परमात्मा सांस्कृतिक भवन आवारात तुमसर-मोहाडी विधानसभा क्षेत्राचे आमदार राजू कारेमोरे यांच्या स्थानिक विकास निधी अंतर्गत मंजूर दहा लक्ष रुपयांच्या अभ्यासिका वाचनालय इमारत बांधकामाचे व परसवाडा मार्गावरील पाच लक्ष रुपयांच्या सिमेंट रस्ता बांधकामाचे भूमिपूजन २८ ऑगस्ट रोजी आमदार राजू कारेमोरे यांच्या हस्ते करण्यात आले.
माजी खासदार मधुकर कुकडे, कृषी उत्पन्न बाजार समितीचे माजी उपसभापती राजकुमार माटे, माजी जि. प. सदस्य विठ्ठलराव कहालकर, राष्ट्रवादी तुमसर तालुका अध्यक्ष देवचंद ठाकरे, माजी पं. स. सदस्य हिरालाल नागपुरे, कृषी उत्पन्न बाजार समितीचे संचालक बालकदास ठवकर, शिवशंकर समरीत, जिल्हा कृषी औद्योगिक संघांचे उपाध्यक्ष दिलीप लांजेवार, सरपंच योगेश्वर हलमारे, उपसरपंच कवळू ठवकर, सुधीर गोमासे, ग्रा. पं. सदस्य सोनू बुरडे, रमेश ईश्वरकर, प्रफुल्ल वराडे, काका भोयर, ग्रा. पं. सदस्य विजय चौधरी, विलास तिजारे, बिसन ठवकर, आदी उपस्थित होते.