सानगडी : सानगडी येथील बुद्ध विहार परिसरात आमदार नाना पटोले यांच्या स्थानिक विकास निधीतून १५ लाखांचे सभागृह मंजूर झाले. या सभागृहाच्या बांधकामाचे भूमिपूजन आमदार अभिजित वंजारी यांच्या हस्ते पार पडले. याप्रसंगी जिल्हा काँग्रेस कमिटीचे माजी अध्यक्ष मधुकर लिचडे, आमदार नाना पटोले यांचे स्वीय सहायक राजू पालीवाल, हरगोविंद भेंडारकर, उमेश भेंडारकर, सरपंच चतुर्भुज भानारकर, अध्यक्ष मोहन पंचभाई, जिल्हा काँग्रेस कमिटीचे महासचिव राकेश लिचडे, विहार समितीचे अध्यक्ष नरेंद्र मेश्राम, सचिव अनमोल मेश्राम, माजी समाजकल्याण सभापती रेखा वासनिक, ग्राम विकास अधिकारी कोरे, ग्रामपंचायत सदस्यगण, बाळकृष्ण हटनागर, शुभम नंदनवार, दयाराम नेवारे, नरेश राऊत, विशाल तिरपुडे, प्रल्हाद धकाते, मार्कंड भेंडारकर, उमेश कठाणे, अश्विन नशीने आदी मान्यवर उपस्थित होते.
याप्रसंगी सर्व प्रथम आमदार अभिजित वंजारी यांनी उपस्थितांसह भगवान गौतम बुद्ध व डॉ. बाबासाहेब आंबेडकर यांच्या स्मारकांचे पूजन करून माल्यार्पण केले. भूमिपूजनानंतर आमदार अभिजित वंजारी, मधुकर लिचडे, मोहन पंचभाई, अनमोल मेश्राम यांनी उपस्थितांना मार्गदर्शन केले. संचालन राकेश लिचडे यांनी तर आभार प्रदर्शन गडपायले यांनी पार पाडले.