शहरं
Join us  
Trending Stories
1
एअर इंडियाच्या जिवात जीव आला! बोईंग-787 विमानांत मोठी समस्या सापडली नाही; डीजीसीएकडून घोषणा
2
फास्टॅग पास एक्स्प्रेस हायवे, समृद्धी, अटल सेतूवरही लागू होणार? जाणून घ्या, नेमका कुठे फायदा होणार
3
"राजा भाई तुम तो गए...!" ...अन् अँकर गमतीत बोलला, ते खरं ठरलं; बघा संपूर्ण VIDEO 
4
एअर इंडियाच्या अपघातात विमा धारकाचाही मृत्यू अन् नॉमिनीचाही; विमा कंपन्या पेचात सापडल्या, इरडाचे तर स्पष्ट आदेश आहेत...
5
हजारो जीव वाचणार! आपत्कालीन परिस्थितीत विमानातील प्रवाशांचे केबिन वेगळे होणार, युक्रेनियन अभियंत्याने केले डिझाइन
6
जेव्हा James Bond चित्रपट सत्यात उतरतो; पहिल्यांदाच MI6 चे नेतृत्व एका महिलेकडे...
7
Video - जिंकलंत मित्रांनो! झोमॅटो डिलिव्हरी बॉयचे पाणावले डोळे, ग्राहकांनी दिलं मोठं सरप्राईज
8
काहीतरी विपरित घडणार? तामिळनाडूत आढळली Doomsday fish; सोशल मीडियावर वेगळीच चर्चा
9
लग्नासाठी गोव्याला घेऊन गेला, पण तिथेच नेऊन खेळ संपवला! माथेफिरू प्रियकराला अटक
10
आतापर्यंत इस्रायलच्या हल्ल्यात इराणचे किती लोक मारले गेले? आकडा पाहून धक्का बसेल; तेहरान सोडून पळ काढणाऱ्यांचीही लागली रांग
11
इतिहासाची पुनरावृत्ती... तारीख, दिवस अन् घटनाही त्याच; ८४ वर्षापूर्वी घडलेले, सेम टू सेम...
12
एका दिवसांत किती वेळाही Toll क्रॉस करा; वार्षिक पासमुळे सामान्यांना काय होणार फायदा?
13
१९९५पासूनचा बालेकिल्ला ढासळला, कोकणात ठाकरे गटाला धक्का; माजी आमदार, नेते NCP अजित पवार गटात
14
'मनसेसोबत युती केली तरच फायदा होईल'; उद्धव ठाकरेंच्या बैठकीत राज ठाकरेंसोबत जाण्याचा 'सूर'
15
महापालिका निवडणुकीचे वारे वाहताच, उल्हासनगरात ठाकरेसेनेच्या पदाधिकाऱ्याच्या घरावर पेट्रोल टाकून पेटविण्याचा प्रयत्न
16
पंतप्रधान मोदींच्या दौऱ्याने चर्चेत आलाय 'हा' छोटासा देश, तुम्हीही बनवू शकता फिरायचा प्लान!
17
'आमच्यावर युद्ध लादले; आत्मसमर्पण करणार नाही', खमेनी यांचा इस्रायसह अमेरिकेलाही थेट इशारा
18
राजा रघुवंशी नव्हे, 'या' व्यक्तीशी होणार होतं सोनमचं लग्न, २५ गुणही जुळलेले! मग का मोडलं नातं? 
19
जिद्दीला सॅल्यूट! २३ वेळा अपयश पण मानली नाही हार; शेतकऱ्याचा लेक झाला असिस्टंट कमांडंट

भंडारा-गोंदियात ११ एप्रिलला मतदान

By लोकमत न्यूज नेटवर्क | Updated: March 10, 2019 21:48 IST

लोकसभा निवडणुकीचा बिगूल वाजला असून भंडारा-गोंदिया लोकसभा मतदार संघाची निवडणूक पहिल्या टप्प्यात होत आहे. ११ एप्रिल रोजी मतदान होणार असून २५ मार्च ही उमेदवारी दाखल करण्याची अंतिम तारीख आहे. निवडणूक आयोगाने निवडणुकीच्या तारखांची घोषणा करताच राजकीय वातावरण तापले आहे.

ठळक मुद्देलोकसभा निवडणुकीचा बिगूल : उमेदवारी दाखल करण्याची अंतिम तारीख २५ मार्च

लोकमत न्यूज नेटवर्कभंडारा : लोकसभा निवडणुकीचा बिगूल वाजला असून भंडारा-गोंदिया लोकसभा मतदार संघाची निवडणूक पहिल्या टप्प्यात होत आहे. ११ एप्रिल रोजी मतदान होणार असून २५ मार्च ही उमेदवारी दाखल करण्याची अंतिम तारीख आहे. निवडणूक आयोगाने निवडणुकीच्या तारखांची घोषणा करताच राजकीय वातावरण तापले आहे.भंडारा-गोंदिया लोकसभा मतदार संघात निवडणुकीची अधिसूचना १८ मार्च रोजी जारी केली जाणार आहे. नामांकन दाखल करण्याची अंतिम तारीख २५ मार्च असून २६ मार्च रोजी नामांकन अर्जांची छाणनी केली जाईल. तर २८ मार्चपर्यंत उमेदवारी अर्ज मागे घेता येणार आहे. ११ एप्रिल रोजी प्रत्यक्ष मतदान होणार असून २३ मे रोजी मतमोजणी होणार आहे. गत काही दिवसांपासून निवडणुकीच्या घोषणेची उत्सुकता लागली होती. रविवारी सायंकाळी भारत निवडणूक आयोगाने लोकसभा निवडणुकीची घोषणा केली. त्यानुसार भंडारा-गोंदिया मतदार संघात पहिल्या टप्प्यात मतदान प्रक्रिया पार पाडली जाणार आहे.भंडारा-गोंदिया लोकसभा मतदार संघात २० लाख ५२ हजार ६१४ मतदार आहेत. आदर्श आचार संहिता रविवारपासून लागू झाली आहे. जिल्ह्यात ईव्हीएमसह व्हीव्हीपॅड मशीन पुरेशा असून सर्व मशीनची तांत्रिक तपासणी पूर्ण झाल्याची माहिती जिल्हाधिकारी शांतनू गोयल यांनी येथे आयोजित पत्रपरिषदेत दिली.भंडारा जिल्ह्यात ९ लाख ७७ हजार ६१४ मतदारांची नोंदणी करण्यात आली आहे. यात १२ हजार ९३७ नवमतदार आहेत. नामांकन अर्ज दाखल करण्याच्या पहिल्या दिवसापर्यंत मतदार नोंदणी करता येणार असल्याचे सांगितले. जिल्ह्यात १२०६ मतदान केंद्र असून ईव्हीएम पुरेशी असल्याचे त्यांनी सांगितले. मतदान करण्यासाठी निवडणूक आयोगाचे ओळखपत्रासह आयोगाने ठरवून दिलेले ओळखपत्र ग्राह्य धरले जाणार आहे. फोटो व्होटर स्लिप ओळखपत्र म्हणून ग्राह्य धरली जाणार नाही. तसेच मतदान करण्यासाठी मतदान यादीत नाव असने आवश्यक असल्याचे त्यांनी सांगितले.मतदारसंघात वाढले ४ लाख मतदारगत लोकसभा निवडणुकीपेक्षा यंदा चार लाख ९२८ मतदारांची वाढ झाल्याचे दिसून येत आहे. भंडारा-गोंदिया लोकसभा मतदार संघात २०१४ मध्ये झालेल्या निवडणुकीत १६ लाख ५१ हजार ६८६ मतदार होते. यंदा २० लाख ५२ हजार ६१४ मतदारांची नोंद झाली आहे. भंडारा आणि गोंदिया या दोन्ही जिल्ह्यात मतदारांची संख्या वाढल्याने निवडणूक विभागाने जारी केलेल्या मतदान यादीवरुन दिसून येत आहे.आचार संहितेची काटेकोर अंमलबजावणीआदर्श आचार संहिता लागू झाली असून त्याची जिल्ह्यात काटेकोरपणे अंमलबजावणी केली जाणार आहे. आचारसंहिता भंगाबाबत निवडणूक आयोगाच्या अधिकृत अ‍ॅपवर तक्रार दाखल करता येईल, असे जिल्हाधिकारी शांतनू गोयल यांनी सांगितले. लोकसभा निवडणुकीत उमेदवारासाठी खर्च मर्यादा ७० लाख रुपये असून जिल्हा निवडणूक विभाग प्रत्येक गोष्टीवर बारीक लक्ष ठेवणार असल्याचे त्यांनी सांगितले.