दुग्ध संघ सहकारभूषण : पाच संस्थांना मिळाला पुरस्कारभंडारा : सहकार क्षेत्रात उत्कृष्ट कार्याची दखल घेऊन राज्य शासन दरवर्षी सहकार महर्षी, सहकार भूषण व सहकारनिष्ठ पुरस्कार देतात. नागपूर विभागात भंडारा जिल्ह्याने सर्वाधिक पाच पुरस्कार पटकावून मानाचा तुरा रोवला आहे. कोल्हापूर येथे झालेल्या कार्यक्रमात भंडारा जिल्ह्यातील भंडारा जिल्हा दुग्ध उत्पादक सहकारी संघ भंडारा व पवनी येथील किसान सहकारी दूध व्यावसायिक संस्थेला सहकारभूषण पुरस्कार तर भंडारा महिला नागरी सहकारी पतसंस्था भंडारा, सिध्दार्थ बीडी उत्पादक औद्योगिक सहकारी संस्था लाखनी व लक्ष्मी सहकारी धान गिरणी वाकेश्वर ता. भंडारा यांना सहकारनिष्ठ पुरस्कार मिळाला आहे. नागपूर विभागात भंडारा जिल्ह्याव्यतिरिक्त चंद्रपूर व गडचिरोली जिल्ह्याला प्रत्येकी एक पुरस्कार मिळाला आहे. नागभीड येथील विविध कार्यकारी सहकारी संस्थेला सहकारभूषण तर गडचिरोली जिल्हा मध्यवर्ती सहकारी बँकेला सहकारनिष्ठ पुरस्कार मिळाला आहे. (शहर प्रतिनिधी)
सहकार क्षेत्रात भंडारा जिल्हा अव्वल
By admin | Updated: June 22, 2015 00:21 IST