सावधान! कोरोना डबलिंग दर वाढतोय

पठाणपुरा वार्डातील बाधित व्यक्तीला २२ ऑगस्टला शासकीय वैद्यकीय महाविद्यालय भरती करण्यात आले होते. या व्यक्तीला न्यूमोनिया झाला होता. आज सकाळी ८ वाजता त्यांचा मृत्यू झाला. जिल्ह्यात १८ बाधितांचा मृत्यू झाला आहे. २४ तासातील बाधितांमध्ये ३७ बाधित चंद्र्रपूर शहर व परिसरातील आहेत. बल्लारपूर १९, चिमूर २, वरोरा ५, मूल ६, कोरपना ५, पोंभुर्णा एक व यवतमाळ जिल्ह्यातील वणी येथून आलेला एक असे एकूण ७६ जण आहे.

ठळक मुद्दे७६ रूग्ण आढळले : एकाचा मृत्यू, जिल्ह्यात १५७१ बाधित

लोकमत न्यूज नेटवर्कचंद्रपूर : शहरातील पठाणपुरा वार्डातील ७२ वर्षीय बाधित व्यक्तीचा मंगळवारी उपचारादरम्यान मृत्यू झाला. त्यामुळे मृतकांची संख्या १८ झाली आहे. आज जिल्ह्यात एकाच दिवशी ७६ पॉझिटिव्ह आढळले. रूग्णांची संख्या १५७१ झाली. उपचारानंतर १०३७ व्यक्ती कोरोनामुक्त झाले. कोरोना रुग्णांचा डबलिंग रेट पूर्वी १२-१३ वर गेला होता, नंतर तो २४ पर्यंत आला होता. आता २० वर आला आहे. याचा अर्थ २० दिवसात रुग्ण दुप्पटीने वाढत आहे.पठाणपुरा वार्डातील बाधित व्यक्तीला २२ ऑगस्टला शासकीय वैद्यकीय महाविद्यालय भरती करण्यात आले होते. या व्यक्तीला न्यूमोनिया झाला होता. आज सकाळी ८ वाजता त्यांचा मृत्यू झाला. जिल्ह्यात १८ बाधितांचा मृत्यू झाला आहे. २४ तासातील बाधितांमध्ये ३७ बाधित चंद्र्रपूर शहर व परिसरातील आहेत. बल्लारपूर १९, चिमूर २, वरोरा ५, मूल ६, कोरपना ५, पोंभुर्णा एक व यवतमाळ जिल्ह्यातील वणी येथून आलेला एक असे एकूण ७६ जण आहे. तुकूम, पंचशील चौक, नगीनाबाग, दानववाडी, मित्र नगर, बाबूपेठ, जलनगर, उत्तम नगर, समाधी वार्ड, रयतवारी कॉलनी, जेबी नगर, गांधी चौक, अंचलेश्वर वार्ड, चोर खिडकी वार्डात आज रुग्ण आढळले.५० वर्षांवरील सर्वांचीच तपासणी - जिल्हाधिकारीजिल्ह्यात कोरोना बाधितांची संख्या वाढतच आहे. कोरोनाने मृत्यू झालेले सर्व व्यक्ती ५० वर्षे वयोगटातील आहे. त्यामुळे चंद्रपूर शहर व सर्व नगर परिषद क्षेत्रातील ५० वर्षांवरील सर्वांची आरोग्य पथकाद्वारे घरोघरी जाऊन तपासणी करण्यात येणार आहे. यामध्ये पल्स आॅक्सिमीटर, थर्मल स्क्रीनिंगद्वारे तपासणी व नोंद केली जाईल, अशी माहिती जिल्हाधिकारी अजय गुल्हाने यांनी आज दिली. जिल्ह्यातील १५७१ बाधितांपैकी ० ते ५ वर्षे वयोगटातील ३२ बाधित, ६ ते १८ वर्षे वयोगटातील १२८ बाधित, १९ ते ४० वर्षे वयोगटातील ८८० बाधित, ४१ ते ६० वर्षे वयोगटातील ४०७ बाधित, ६१ वर्षांवरील ९४ बाधित आहेत. १५७१ बाधितांपैकी १०५५ पुरूष व ५१६ बाधित महिला आहे.