१२१ दिवसांत बरसला ७९ टक्के पाऊस

मागील वर्षीच्या ८३२.६ मिमी पावसाच्या तुलनेत यावर्षी जिल्ह्यात पावसाचे प्रमाण अधिक असल्याचे दिसून येत आहे. आतापर्यंत जिल्ह्यात १००७.८ मिमी पावसाची नोंद झाली आहे. २९ सप्टेंबरपर्यंत पडणाऱ्या सरासरी पावसाच्या तुलनेत हा पाऊस ७९ टक्के आहे.

ठळक मुद्देसरासरी १००७ मिमी पाऊस : वार्षिक सरासरी गाठणे अशक्य

देवानंद नंदेश्वर ।लोकमत न्यूज नेटवर्कभंडारा : मागील वर्षीच्या ८३२.६ मिमी पावसाच्या तुलनेत यावर्षी जिल्ह्यात पावसाचे प्रमाण अधिक असल्याचे दिसून येत आहे. आतापर्यंत जिल्ह्यात १००७.८ मिमी पावसाची नोंद झाली आहे. २९ सप्टेंबरपर्यंत पडणाऱ्या सरासरी पावसाच्या तुलनेत हा पाऊस ७९ टक्के आहे. त्यामुळे पावसाळ्याच्या शिल्लक राहिलेल्या अवघ्या ३२ दिवसांत ३२२.४ मिमी पाऊस पडणे जवळजवळ अशक्यच आहे. अशा परिस्थिती यावर्षीच्या खरीप पिकांसोबतच आगामी रबीच्या पिकांनाही फटका बसण्याची शक्यता निर्माण झाली आहे.जिल्ह्यात जवळपास रोवणी ८७ टक्के आटोपली आहे. त्यामुळे रोवलेल्या धानपिकाच्या रोपांना पाण्याची गरज असल्याने शेतकरी आभाळाकडे नजरा लावून परतीच्या पावसाची आतुरतेने वाट पाहात आहेत. वार्षिक सरासरीच्या अंदाजानुसार २९ सप्टेंबरपर्यंत जिल्ह्यात १२७२.३ मिमी पाऊस पडणे अपेक्षित होते. मात्र आतापर्यंत १००७.८ मिमी पाऊस पडला आहे.सर्वसाधारणपणे पावसाच्या पाच महिन्यात, म्हणजे १ जून ते ३१ आॅक्टोंबर या कालावधीत जिल्ह्यात सरासरी १,३३०.२ मिमी पाऊस पडण्याची अपेक्षा असते. पावसाळ्याचे आता केवळ एकच महिना शिल्लक असताना १००७.८ मिमी पाऊस पडल्याने अपेक्षेएवढा पाऊस होण्याची चिन्हे दिसून येत नाही. त्यामुळे वरथेंबी पावसावर अवलंबून असणाºया शेतकºयांना यावर्षी अपेक्षित उत्पन्न मिळण्याची शक्यता कमी आहे.पावसाच्या पाच महिन्यातील तालुकानिहाय प्रमाण पाहता भंडारा तालुक्यात आॅक्टोेंंबर अखेरपर्यंत १,२६०.८ मिमी पाऊस पडण्याची अपेक्षा असताना आतापर्यंत १०४४.८ मिमी पाऊस पडला आहे. मोहाडी तालुक्यात १,२६०.८ मिमी पावसाची अपेक्षा असताना ९९९.१ मिमी, तुमसर तालुक्यात १,२६०.८ मिमीऐवजी आतापर्यंत १०४१.९ मिमी पाऊस झाला.पवनी तालुक्यात १,२२७.४ मिमीऐवजी आतापर्यंत केवळ ८९० मिमी पाऊस पडला आहे. साकोली तालुक्यात १,३९९.१ मिमीच्या तुलनेत केवळ ९५०.० मिमी, लाखांदूर तालुक्यात १,४५१.३ मिमीच्या तुलनेत १०७३.८ मिमी व लाखनी तालुक्यात १,४५१.३ मिमी पडतो. मात्र आतापर्यत ७६ टक्के म्हणजे १०५५.१ मिमी पाऊस झाला आहे. पावसाची दडी व किडीचा प्रादूर्भाव यामुळे यावर्षी देखील भात पिकाच्या उत्पादनावर परिणाम होण्याची दाट शक्यता आहे.पावसाची दडी, खरीप पिके करपलीआॅक्टोंबर अखेरपर्यंत पावसाची नोंद घेतली जात असली तरी गणेशोत्सवानंतर पाऊस येण्याची शक्यता कमीच असते. गणेशोत्सवादरम्यान काही ठिकाणी पाऊस बरसला. त्यानंतर चक्क ऊन पडत आहे. त्यामुळे धान पिकाच्या उत्पादनात मोठ्या प्रमाणात घट होण्याची शक्यता आहे.साकोली तालुक्यात ७१ टक्के पाऊसजिल्ह्यातील तालुकानिहाय वार्षिक सरासरी पडणाऱ्या पावसाच्या आकडेवारीवर एक नजर टाकल्यास साकोली तालुक्यात सर्वात कमी ७१ टक्के तर भंडारा ८६, मोहाडी ८३ टक्के, तुमसरमध्ये ८६ टक्के, पवनीत ७७, लाखांदूर ७७, लाखनीत ७६ टक्के पाऊस पडला आहे.