करडी पालोरा : बोरी (पांजरा) येथील अत्यंत गरीब, विधुर अर्जुन गोस्वामी (६0) घरकुलाच्या प्रतीक्षेत आहे. राजकारण्यांनी स्वत:च्या स्वार्थासाठी अनेकदा त्याच्या अज्ञानाचा फायदा उचलला. प्रतीक्षा यादीत नाव असलेल्या अर्जुनला तुझे घरकूल मंजूर करुन देतो म्हणून ५000 रुपये मागितले गेले. घरही पकहायला सांगितले. दोन वर्षापासून तो ऊन, पावसाचा मारा सहन करीत असतानाही त्याचे घरकुलाचे स्वप्न हवेत आहेप्रशासनाकडून फसवणूक : साहेब, केव्हा मिळणार हो गरिबाला घरकूल. मोलमजुरीचे कामे करून कुटुंबाचा चरितार्थ चालविणार्या अर्जुनचे मध्यंतरी कंबरेची हाडे मोडली. त्याला उठता येत नाही. अन् बसताही येत नाही. घरी फक्त अर्धा एकर शेती आहे. पत्नीचे काही वर्षापूर्वी निधन झाले. मोठय़ा मुलीेचे लग्न झाले.लहान मुलगा त्याची सेवाश्रुषा करीत आहे. मात्र कंबरेचे हाड मोडल्याने त्याचे मोलमजुरीचे काम बंद पडल्याने दैनंदिन खर्च भागवायचा कसा, असा प्रश्न त्यांचेसमोर उभा ठाकला आहे. पडक्या घरात मोडक्या खाटेवर झोपून तो मरणाच्या प्रतिक्षेत जीवन जगत आहे. घरकुलाचे स्वप्न त्याच्या मरणासोबतच जाणार काय? जीवंतपणी त्याला त्याचे हक्काचे घर मिळणार काय? आदी प्रश्न अनुत्तरीत आहेत. (वार्ताहर) मजबूर घरकुल लाभार्थ्यांकडून त्यांच्या अडाणीपणाचा फायदा उचलीत पैसे उकळून त्याने आपले पांढरे कपडे शिवून घेतले आहेत. समाजकारणाच्या नावावर राजकारणाची पोळी शेकणार्या पांढर्या रंगावरील काळे डाग अधिक गडद झाले ते बोरी येथील अर्जून गोस्वामी यांच्या प्रकरणामुळे. अधिकारी व राजकारणी लोकांच्या जनसंपर्क अभियानात सर्वांसमोर व स्वत: त्या राजकारणाच्या समोर त्याचे नाव घेतले गेले. फसवणूक करीत लुबाडणूक केल्याचे सांगितले गेले असताना भगव्या रंगाचा संरक्षक आहे म्हणून त्याच्या पक्षाच्या राजकारण्यांनी अर्जुनचा आवाज दाबून टाकला. त्याला अनेकदा बोलू दिले गेले नाही. माईक देणे सोडा सभेत उपस्थित राहण्यासही मनाई केली गेली. हाकलून लावले गेले .
घरकुलासाठी अर्जुनची आर्त हाक
By admin | Updated: May 27, 2014 00:36 IST