खरडगव्हाण येथे कोरोना बाधितांचा गावभर फेरफटका

लोकमत न्यूज नेटवर्क

कडा : सध्या जिल्ह्यात कोरोना बाधितांचा आकडा कमी होत असला तरी आष्टी तालुक्यात मात्र आकडा कमी होताना दिसत नाही. तीन दिवसात खरडगावात ३० कोरोना बाधित रूग्ण आढळून आले आहेत. काही रुग्ण कोविड सेंटरमध्ये उपचार घेत आहेत. तर काही महाभाग नियम पायदळी तुडवत गावभर फेरफटका मारत असल्याचे तालुका आरोग्य अधिकाऱ्यांनी केलेल्या पाहणीत आढळून आले आहे. दरम्यान, त्यांच्यावर फौजदारी गुन्हे दाखल करण्याचे आदेश पत्राद्वारे सरपंच, ग्रामसेवकांना त्यांनी दिले आहेत.

आष्टी तालुक्यातील खरडगव्हाण गावात मागील तीन दिवसात ३० कोरोना बाधित रुग्ण आढळून आले आहेत. त्यापैकी आयटीआय येथे १३ तर ग्रामीण रुग्णालयात ६ रुग्ण उपचार घेत आहेत. गुरूवारी तालुका आरोग्य अधिकारी डॉ. नितीन मोरे यांनी भेट देऊन पाहणी केली. यावेळी संस्थात्मक विलगीकरणात शाळेत १ रूग्ण होता. परंतु रेकॉर्डवर ११ रूग्ण आहेत. बाकी १० रुग्णांनी गावभर फेरफटका मारल्याचे उघडकीस आले. या रुग्णामुळे कोरोना पसरवण्याची शक्यता वर्तविण्यात येत आहे.

संस्थात्मक विलगीकरणाच्या नावाखाली गावात फिरणाऱ्या रुग्णावर फौजदारी गुन्हे दाखल करावा. कार्यालयास तसा अहवाल सादर करावा. अन्यथा आपणावर साथरोग प्रतिबंधात्मक कायदा अंतर्गत कारवाई प्रस्तावित करण्यात येईल. याची गांभीर्याने नोंद घ्यावी, असे तालुका आरोग्य अधिकारी डॉ. नितीन मोरे यांनी दिलेल्या पत्रात म्हटले आहे. या पत्राच्या प्रति मुख्य कार्यकारी अधिकारी, जिल्हा आरोग्य अधिकारी, तहसीलदार, गटविकास अधिकाऱ्यांना दिल्या आहेत.

आष्टी तालुक्यात कोरोना आकडा वाढत आहे. नियमाचे पालन करून अंगावर दुखणे काढू नये. लक्षणे दिसताच आरोग्य केंद्रात जाऊन तपासणी करावी, असे आवाहन आष्टी तालुका आरोग्य अधिकारी डॉ. नितीन मोरे यांनी केले आहे.

....

ग्रामसुरक्षा समिती करतेय काय?

गावात एवढ्या मोठ्या प्रमाणावर कोरोनाची रुग्णसंख्या वाढत चालली असताना याला प्रतिबंध यावा. त्याचबरोबर रुग्णांना योग्य उपचार मिळावेत. त्याच्यावर लक्ष ठेवावे. त्यांच्यापासून संसर्ग होऊ नये यासाठी ग्रामसुरक्षा समिती स्थापन केली आहे. मग कोरोना बाधित रुग्ण गावभर फेरफटका मारून संस्थात्मक विलगीकरणात काय? करत नाहीत. तर ही समिती करेतय काय? असा प्रश्न नागरिकातून उपस्थित केला जात आहे.

===Photopath===

250621\nitin kmble_img-20210625-wa0047_14.jpg

===Caption===

खरडगाव येथील  ग्रामीण रुग्णालयात आरोग्य अधिकारी डॉ. नितीन मोरे यांनी भेट देऊन रुग्णांची विचारपूस करताना.