बीड : ऑल महाराष्ट्र वुशू असोसिएशनच्या मान्यतेने व वुशू स्पोर्ट्स असोसिएशन वर्धा जिल्हा आयोजित १८ वी राज्यस्तरीय ज्युनिअर वुशू अजिंक्यपद स्पर्धा - २०२१ दि. २३ फेब्रुवारी रोजी झाल्या. स्पर्धेमध्ये जिल्हा अमॅच्युअर वुशू असोसिएशनतर्फे अजय बापूसाहेब बाहिर व अमन सूर्यकांत कल्याणकर यांनी कांस्य पदक पटकाविले. विजयी खेळाडूंचे असोसिएशनचे एस. एस. कटके, प्रा. लक्ष्मण उदमले व अनिल खराडे यांनी कौतुक केले. खेळाडूंना प्रशिक्षक अनिल खराडे व पुनम खराडे यांचे मार्गदर्शन लाभले.
आदिवासी कोळी महादेव समाजाच्यावतीने श्रद्धांजली
बीड : ठाण्याचे माजी आमदार तथा माजी महापौर अनंत तरे यांना आदिवासी काेळी महादेव समाजाच्यावतीने बीड येथे श्रद्धांजली अर्पण करण्यात आली. यावेळी जिल्हा महासचिव सुनील बळवंते, अंकुशराव मेटे, गोपाळराव वाघमारे, विनायक दसवंते, कल्याण क्षीरसागर, दीपक बिल्पे, विष्णू तवरे, महादेव पांडे, गणेश माने, वाल्मिक गायकवाड, पांडुरंग भूतपल्ले, संजय मोरे, नितीन कोळी आदी उपस्थित होते.