कोरोनाचा प्रादुर्भाव वाढू नये म्हणून मागील काही दिवसापासून राज्यातील अनेक मंदिरे बंद ठेवण्याचा निर्णय शासनाने घेतला आहे.
प्रभू वैद्यनाथ मंदिर देखील बंद ठेवण्यात आल्याने भाविकांना मंदिर पायऱ्यांचे दर्शन घेऊन समाधान मानावे लागत आहे.
सद्यस्थितीत कोविड सदृश रुग्ण कमी होत आहेत. प्रभू वैद्यनाथ मंदिर भाविक भक्तांना दर्शनासाठी खुले केले तर सर्वसामान्य जनतेला दर्शनाचा आनंद घेता येईल. त्याचबरोबर सामाजिक अंतर ठेवून विशिष्ट नियमावलीनुसार मंदिर दर्शनासाठी खुले करावे, अशा मागणीचे निवेदन उपजिल्हाधिकाऱ्यांना देण्यात आले.
यावेळी शिवसेनेचे माजी शहर प्रमुख भोजराज पालिवाल, माजी उपनगराध्यक्ष भाऊराव भोयटे, विद्यार्थी सेना तालुका प्रमुख महेश केंद्रे, शिवसेना माजी उपशहर प्रमुख सचिन स्वामी, शिवसेना शहर संघटक संजय कुकडे, प्रकाश साळुंखे, संजय गावडे, बाळासाहेब देशमुख, सचिन लोढा, विशाल सुगरे, महावीर कटके, बाबूलाल पिंपळे, शिवाजी दराडे आदी शिवसैनिक उपस्थित होते.