गोविंदवाडी ते किट्टी आडगाव रस्त्याचे काम निकृष्ट

माजलगाव : तालुक्यात मुख्यमंत्री ग्रामसडक योजनेंतर्गत गोविंदवाडी ते किट्टीआडगाव रस्त्याचे काम निकृष्ट झाल्याने ग्रामस्थांनी आ.प्रकाशदादा सोळंके, जिल्हाधिकारी व मुख्यमंत्री ग्रामसडक योजना कार्यालयात निवेदनाद्वारे तक्रार केली आहे. १९ जानेवारीला गोविंदवाडी ते किट्टी आडगाव या रस्त्याचे काम गुत्तेदार वाघमारे यांनी थातुरमातुर करून खड्डे न बुजवता आणि डांबराचा लेअर न टाकता, कोरडीच कचखडी टाकून काम केले आहे. संतापलेल्या ग्रामस्थांनी याबाबत तक्रार अर्ज आ.प्रकाशदादा सोळंके, जिल्हाधिकारी व मुख्यमंत्री ग्रामसडक योजना कार्यालयात दिला असून, पुन्हा या रस्त्याचे दर्जेदार काम करावे, अशी मागणी करण्यात आली आहे. या तक्रार अर्जावर श्रीराम जाधवर, विक्रम जाधवर, नामदेव जाधव, प्रदीप जाधवर, अमोल जाधवर, मधुकर नागरगोजे, नवनाथ जाधवर, श्रीमंत बडे, भागवत मुंडे, हरिभाऊ जाधवर, मुरलीधर नागरगोजे, गणेश जाधवर, कैलास नागरगोजे, दशरथ जाधवर, राजेभाऊ जाधवर, अंकुश नागरगोजे, अनंत जाधवर यांच्यासह ग्रामस्थांच्या स्वाक्षऱ्या आहेत.