पिकअप-कार अपघातात एक ठार, चार जखमी

लोकमत न्यूज नेटवर्क

आष्टी/धानोरा(जि.बीड) : कार आणि पिकअप यांची समोरासमोर धडक होऊन झालेल्या अपघातात एक जण ठार तर चार जण जखमी झाले. ही घटना बीड-नगर महामार्गावर बाळेवाडी शिवारात मंगळवारी (१४ सप्टेंबर) रात्री साडेदहा वाजण्याच्या सुमारास घडली.

डाॅ.व्यंकटेश नारायण बोराटे (वय ४२, रा.मुर्शदपूर, आष्टी) असे अपघातात मृत झालेल्या व्यक्तीचे नाव आहे. बीड-नगर राष्ट्रीय महामार्गावरील बाळेवाडीनजीक उतारावर नगरकडून आष्टीकडे येणारी कार क्रमांक एम.एच.-१२, पी.टी.६३६६ आणि बीडवरून मुंबईकडे जात असलेली पिकअप क्रमांक एम.एच.०४, जे.यू.-१३६१ या दोन्ही वाहनांची समोरासमोर धडक झाली. यात कार चालक डाॅ. व्यंकटेश नारायण बोराटे यांचा जागीच मृत्यू झाला. अपघात एवढा गंभीर होता. यात कारचा चक्काचूर झाला. तर पिकअपमधील केसर अली अझहर अली खान (चालक), महंमद आरिफ महंमद युनूस शेख, महंमद तारीक महंमद चौधरी, हारूण नबाव सय्यद (सर्व रा.मुंबई) हे चार जण गंभीर जखमी झाले. त्यांना अहमदनगर येथील रुग्णालयात उपचारासाठी दाखल करण्यात आले आहे. अंभोरा पोलीस ठाण्याचे सहायक पोलीस निरीक्षक रोहित बेंबरे यांच्यासह पोलीस कर्मचारी, नागरिकांनी घटनास्थळी धाव घेऊन मदत कार्य केले. यातील पिकअप चालक केसर अली अझहर अली खान याची प्रकृती चिंताजनक असल्याची माहिती आहे.

150921\nitin kmble_img-20210915-wa0033_14.jpg~150921\nitin kmble_img-20210915-wa0013_14.jpg

डाॅ.व्यंकटेश नारायण बोराटे