डिजिटल उत्सव : कोरोना योद्धा यांचा सत्कार; मान्यवरांचे मार्गदर्शन
बीड : समाजातील कोरोना योद्धा डॉक्टरांचा सन्मान, भारतीय रिझर्व्ह बँकेचे माजी डेप्युटी गव्हर्नर सुभाष शिवरतन मुंदडा यांचे मार्गदर्शन आणि विविध उपक्रमांनी शहरात माहेश्वरी समाजाचा वंशोत्पत्ती दिन महेश नवमी पर्व उत्साहात साजरा झाला. कोरोनाच्या पार्श्वभूमीवर यंदा डिजिटल उत्सव साजरा करण्यात आला.
समाजबांधव आपापल्या घरातून सोशल मीडियाद्वारे सहभागी झाले होते. प्रारंभी मान्यवरांच्या हस्ते भगवान महेशपूजन करण्यात आले. गंगाखेड येथील भजन गायिका भक्ती निलेश राठी यांनी महेश वंदना सादर केली. कार्यक्रमाचे अतिथी कोरोनायोद्धा डॉ. नरेश कासट, डॉ. संतोष धूत, डॉ. राहुल जाजू, डॉ. संकेत बेहती, डॉ. रोहित तोष्णीवाल यांचा सत्कार करण्यात आला. प्रास्ताविक तहसील सभेचे अध्यक्ष गिरीश सोहनी यांनी केले.
यावेळी विनोद जाजू, राजगोपाल सोनी, माधवी चितलांगे, सी.ए. गोपाल कासट, जुगलकिशोर लोहिया, प्रदीप चितलांगे यांनी मनोगत व्यक्त केले. समाजातील उपक्रम, योजना, भविष्यातील प्रकल्प, कोरोना प्रतिबंधक लसीकरण आदी विषयांवर मनोगत व्यक्त करण्यात आले.
मुख्य वक्ता आणि मार्गदर्शक म्हणून भारतीय रिझर्व्ह बँकेचे माजी डेप्युटी गव्हर्नर सुभाष मुंदडा यांनी ऑनलाइन संवाद साधला. त्यांचा परिचय अनुज भगीरथ चरखा यांनी करून दिला. त्यांच्या मार्गदर्शनानंतर श्रोत्यांनी विचारलेल्या प्रश्नांवर त्यांनी समाधानकारक उत्तरे दिली. या कार्यक्रमासाठी अखिल भारतीय माहेश्वरी सभेचे सदस्य सीए सुरेशचंद्र लड्डा, जुगलकिशोर लोहिया, भगीरथ चरखा, प्रदेश सभेचे दिनेश मुंदडा, संतोष चरखा, जिल्हा सभेचे प्रदीप चितलांगे, संतोष सोहनी, सीए गोपाल कासट, बालाप्रसाद जाजू, विष्णुदास बियाणी, प्रमोद मणियार, बद्रीनारायण मानधने, सूरज लोहिया, महिला सभेतर्फे माधवी चितलांगे, शोभा जेथलिया, अरुणा लड्डा, राजश्री सोमाणी उपस्थित होते.
कार्यक्रमाचे तांत्रिक नियोजन निलेश मालपाणी, पंकज भुतडा, गणेश दोडे यांनी केले. सपना मुंदडा यांनी रेखाटलेली सुबक रांगोळी लक्षवेधी ठरली. संचालन गिरीश सोहनी यांनी केले. हेमंत बियाणी यांनी आभार मानले. कार्यक्रमासाठी जिल्हाध्यक्ष प्रदीप चितलांगे, सचिव संतोष सोहनी, तहसीलचे उपाध्यक्ष केदार मानधने, कमलेश रांदड, संघटनमंत्री नीरज सारडा, सहसचिव जयप्रकाश करवा, कोषाध्यक्ष निलेश मालपाणी, सहकोषाध्यक्ष पंकज भुतडा आदींनी परिश्रम घेतले.
===Photopath===
200621\023220_2_bed_27_20062021_14.jpeg
===Caption===
महेश नवमी