अंबाजोगाई शहरातील राज एजन्सीज रिलायन्स पेट्रोल पंप येथे रिलायन्स बी. पी. मोबिलिटी कंपनीच्यावतीने मोफत डिझेल, पेट्रोल, सुविधा दिली जात आहे. या सुविधेनुसार दररोज ५० लिटर डिझेल, पेट्रोल मोफत देण्यात येणार आहे. या उपक्रमाची सुरुवात शुक्रवारी करण्यात आली. याबाबत माहिती देताना राजकिशोर मोदी म्हणाले, रिलायन्सच्या सर्व पेट्रोल पंपावर हा उपक्रम राबविण्यात येत आहे. जिल्हा प्रशासन अथवा जिल्हा आरोग्य अधिकारी कार्यालयाचे पत्र घेऊन येणाऱ्या नोंदणीकृत खासगी अथवा सरकारी रुग्णवाहिका व ऑक्सिजन वाहतूक करणाऱ्या वाहनांना याचा लाभ घेता येणार आहे.
यावेळी बीड जिल्हा काँग्रेस कमिटीचे अध्यक्ष राजकिशोर मोदी, स्वाराती ग्रामीण रुग्णालयाचे अधिष्ठाता डॉ. शिवाजी सुक्रे, डॉ. नागेश अब्दागिरे, डॉ. धपाटे, कचरूलाल सारडा, खालेद चाऊस, काँग्रेसचे शहराध्यक्ष महादेव आदमाने, नगरसेवक मनोज लखेरा, नगरसेवक वाजेद खतीब, सुनील व्यवहारे, नगरसेवक धम्मपाल सरवदे, सुनील वाघाळकर, गणेश मसने, सज्जन गाठाळ, अशोक देवकर, भारत जोगदंड, विजय रापतवार, जावेद गवळी, चंद्रकांत महामुनी, आदींची उपस्थिती होती.
कोरोनाविरुद्धच्या लढ्यात पुढाकार
कोरोना संकटात सुरू असलेल्या मदतकार्यात कोणतीही बाधा येऊ नये यासाठी सामाजिक बांधीलकीतून रिलायन्सने हा निर्णय घेतला आहे. देशभरात रिलायन्सचे जवळपास १५०० पेट्रोल पंप आहेत. या सर्व पेट्रोलपंपांसह अंबाजोगाई शहरातही सुविधा उपलब्ध असेल, असे पंपाचे संचालक संकेत मोदी यांनी सांगितले.
===Photopath===
250621\avinash mudegaonkar_img-20210625-wa0072_14.jpg