पाटोदा : तालुक्यातील कुसळंबमध्ये शेतीच्या वादातून दोन गट समोरासमोर आले. यावेळी तुंबळ हाणामारी झाली. परस्परविरोधी तक्रारींवरून सात जणांविरोधात २५ सप्टेंबर रोजी गुन्हा नोंद करण्यात आला.
राजेंद्र श्रीधर घाेरपडे (३७) यांच्या तक्रारीनुसार, २२ सप्टेंबर रोजी ते शेतात बुचाड लावण्याच्या कारणावरून भाऊसाहेब रामदास घोरपडे, रामदास भुजंग घोरपडे, रोहिदास भुजंग घोरपडे, दगडू शिवाजी घोरपडे यांनी त्यांना डोक्यात काठीने मारहाण करून जखमी केले. तर, याच प्रकरणात रोहिदास भुजंग घोरपडे यांनी दिलेल्या तक्रारीनुसार, शेतात खडी टाकण्याच्या कारणावरून राजेंद्र श्रीधर घोरपडे, दादासाहेब श्रीधर घोरपडे, राजेंद्र घोरपडे या तिघांनी गजाने डोक्यात मारून जखमी केले व भांडणे सोडवण्यासाठी आलेल्या राेहिदास यांच्या भावालाही मारहाण केली. दोन्ही गटांच्या सात जणांविरोधात गुन्हा नोंद करण्यात आला आहे.