बीड : शहरातील पेठ बीड पोलीस ठाणे हद्दीतील अशोकनगर शाळेच्या परिसरामध्ये आयपीएल मॅचवर सट्टा खेळत असलेल्या अड्ड्यावर पोलिसांनी छापा मारला. यावेळी तीन लाखांच्या मुद्देमालासह चौघांना ताब्यात घेतले. तर तब्बल चाळीस जणांवर गुन्हा दाखल केला आहे.
पेठ बीड भागात तसेच बीड शहरात अनेक ठिकाणी आयपीएल मॅचवर सट्टा लावण्याचा गोरख धंदा सुरू आहे. त्यावर पेठ बीड भागात सुरू असलेल्या सट्ट्यावर छापा मारून ४० जणांवर गुन्हा दाखल करण्यात आला आहे. आरोपींना अटक करून त्यांच्याकडून जुगाराचे साहित्य, नगदी रक्कम, चार मोबाईल, चार दुचाकी असा ३ लाखांचा मुद्देमाल जप्त करण्यात आला आहे. यातील आरोपी पत्र्याच्या मोकळ्या शेडमध्ये विनापरवाना व बेकायदेशीररित्या मुंबई इडियन्स विरुद्ध चेन्नई सुपर किंग्ज या आयपीएलच्या सामन्यावर सट्टा घेत होते. यावेळी पोलिसांनी चार जणांना ताब्यात घेतले तर, इतर आरोपी पळ काढला.
याप्रकरणी पेठबीड पोलीस ठाण्यात शेख सर्फराज शेख ईमाहीम, शेख सदाम शेख खुदबोधिन, शेख मतीन शेख इस्माईल, शेख शहबाज शेख इलीयास, शेख ऐजाज शेख अफजल, मोमीन वसीम मोमीन मतीन, मोमीन सर्फराज मोमीन अन्सार, शेस जुनेद शेख रहीम, सय्यद फुरकान सय्यद जकी, शेख दानीश शेख सलीम, शेख मोहसीन, शेख ईग्राहीम, शेख शकील शेख बाबू, शेखा सोहेल शेरस ईबाहीम, शेख हसन, शेख मोईज (सर्व रा.पेठ बीड) यांच्यासह इतर २० ते २५ जणांवर १ मे रोजी रात्री उशिरा गुन्हा दाखल करण्यात आला आहे. या प्रकरणाचा पुढील तपास पोलीस निरीक्षक विश्वास पाटील करीतआहेत.