------------------------------------------
बसस्थानकातील अस्वच्छतेला प्रवासी वैतागले
धारूर : येथील बसस्थानकामध्ये घाणीचे साम्राज्य व झाडाझुडपांचा वेढा यामुळे प्रवासी वैतागून गेले आहेत. या घाणीमुळे प्रवाशाचे आरोग्य धोक्यात येत आहे. त्यामुळे तत्काळ बसस्थानक परिसर स्वच्छ करण्याची मागणी प्रवासी वर्गातून होत आहे.
------------------------------------------
धारूर आडस रस्त्यावर खड्ड्यांचे साम्राज्य
धारूर : धारूर ते आडस या तेरा कि.मी. रस्त्यावर खड्ड्यांचे साम्राज्य झाले असून अपघाताचे प्रमाण यामुळे वाढले आहे. वाहनधारक व प्रवासी वैतागून गेले आहेत. या रस्त्यावरील खड्डे तत्काळ बुजवून रस्ता दुरूस्त करावा अशी मागणी प्रवाशांतून होत आहे.
------------------------------------------
अंबेवडगाव येथे विद्युत रोहित्राला झुडपांचा वेढा
धारूर : आंबेवडगाव येथे अनेक विद्युत रोहित्राला काटेरी झुडूप व वेलींनी पूर्णपणे वेढल्यामुळे विद्यूत रोहित्राचे फ्यूज टाकण्यास जाणे शेतकऱ्यांना अवघड झाले आहे. त्यामुळे तत्काळ उपाययोजना करून विद्युत रोहित्राभोवतीची झुडपे काढण्याची मागणी होत आहे.