माजलगाव
: शहरात पाच वर्षांपूर्वी स्थापन झालेल्या रोटरी क्लब ऑफ माजलगाव सेंट्रलच्या अध्यक्षपदी शहरातील वास्तूविशारद इंजि. गजेंद्र खोत यांची, तर सचिवपदी सामाजिक व शैक्षणिक क्षेत्रात कार्यरत रणजित राठोड यांची २०२१-२२ या वर्षासाठी निवड करण्यात आली. मावळते अध्यक्ष डॉ. शिवाजीराव काकडे व सचिव नीलेश काटकर यांच्याकडून नूतन अध्यक्ष खोत व सचिव राठोड यांनी औपचारिकरित्या पदभार स्वीकारला. क्लबच्या वतीने यावर्षी आरोग्य तपासणी शिबिर, रक्तदान शिबिर, मोतिबिंदू शस्त्रक्रिया शिबिर, लसीकरण प्रबोधन शिबिर, तसेच गरीब, होतकरू विद्यार्थ्यांसाठी शैक्षणिक साहित्य वाटप, शहरात बसस्थानक परिसरात व मंदिर परिसरात वृक्षलागवड व संवर्धन त्याचप्रमाणे पर्यावरण पूरक कार्यक्रमांतर्गत रेन वॉटर हार्वेस्टिंग व परसबाग इत्यादी उपक्रम रोटरीमार्फत राबवण्याचा मनोदय खोत व राठोड यांनी व्यक्त केला.
040721\purusttam karva_img-20210704-wa0034_14.jpg