बीड : बुद्ध धम्माचा स्वीकार करण्यापूर्वी डॉ. बाबासाहेब सतत समाजकार्याकरिता व देश हितासाठी झटत होते. ते शरीराने जरी थकले होते तरी मनाने न खचता समाज हिताचे कार्य करीत होते. त्यांचा हा आदर्श प्रत्येकाने नजरेआड न करता आपापल्यापरीने समाजसेवा करावी, असे आवाहन भन्ते धम्मशील यांनी संबोधित केले.
तालुक्यातील शिवणी येथे डॉ. भदंत आनंद कौशल्यायन नगरात प्रियदर्शी धम्म संस्कार शिक्षण संस्थेच्या वतीने ज्येष्ठ पौर्णिमेनिमित्त धम्म वंदना, धम्म देसना तसेच वृक्षारोपण कार्यक्रमात ते बोलत हाते. महावितरणचे अधीक्षक अभियंता रवींद्र कोलप, सत्यशोधक ओबीसी परिषदेचे राज्याध्यक्ष संदीप उपरे, उपकार्यकारी अभियंता चंद्रशेखर सानप व बसवराज हिप्परगे, आरटीओ संदीप खडसे आदी यावेळी उपस्थित होते.
‘शिका संघटित व्हा व संघर्ष करा’ हा डॉ. बाबासाहेबांचा मोलाचा संदेश लक्षात ठेवून समाज प्रगतीकरिता कितीही अडचणी आल्या तरी एक दिलाने व एक विचाराने कार्य केल्याने त्या सोडविण्यास नक्कीच यश मिळते, असे मार्गदर्शन रवींद्र कोलप यांनी केले. प्रास्ताविकात प्रियदर्शी धम्म संस्कार शिक्षण संस्थेचे उपाध्यक्ष प्रा. प्रदीप रोडे यांनी संस्थेची माहिती दिली. संस्थेचे अध्यक्ष डॉ. उपगुप्त महाथेरो यांच्या मार्गदर्शनाखाली भिक्खू धम्मशील यांच्या मार्गदर्शनातून होत असलेल्या कार्यामुळे धम्म वंदना कार्यक्रमात रवींद्र कोलप, संदीप उपरे व अमरसिंग ढाका यांनी आजीवन सभासदत्व स्वीकारले. यावेळी ‘वाचाल तर वाचाल’ या फिरते मोफत वाचनालयातर्फे पाच बोधीवृक्ष लावण्यात आली. १०० पुस्तकांचा संच २९ व्या शिवणी येथील केंद्रास वितरणासाठी उपासक राजेंद्र डोळस यांना सुपूर्द करण्यात आले.
सूत्रसंचालन प्रा. डॉ. नामदेव शिनगारे यांनी केले. वसंतराव तरकसे यांनी आभार मानले. प्रा.प्रदीप रोडे यांनी खीरदान केले.
===Photopath===
250621\25_2_bed_26_25062021_14.jpg
===Caption===
धम्मदेसना