लोकमत न्यूज नेटवर्क
धारूर : येथील मुख्य रस्त्यावरील हनुमान चौकातील अतिक्रमण तत्काळ हटवावे. नियमबाह्य भरणारा सध्याचा भाजीपाला बाजार बंद करून मूळ जागेत भरवावा. येथील हाॕयमॕॅक्स दिवे तत्काळ सुरू करावेत. अन्यथा आंदोलन छेडले जाईल, असा इशारा राजमुद्रा सामाजिक संघटनेच्या वतीने शहराध्यक्ष बालासाहेब गैबी यांनी एका निवेदनाव्दारे दिला आहे.
धारूर शहरातील मुख्य रस्त्यावर नगरपरिषदेच्या दुर्लक्षामुळे हनुमान चौकात अतिक्रमण सर्रास होत आहे. या ठिकाणी नियमबाह्यपणे रोजच भाजीपाला भरत आहे. हे विक्रेते गर्दी करीत आहेत. यामुळे या चौकात होणाऱ्या गर्दीमुळे चोऱ्यांचे प्रमाण वाढले आहे. या ठिकाणी घाणीचे साम्राज्य पसरले आहे. या चौकातील हायमॕॅक्स दिवा अनेक दिवसांपासून बंद आहे. त्यामुळे येथील नागरिक वैतागून गेले आहेत. या समस्यांकडे नगरपरिषदेचे दुर्लक्ष होत आहे, असेही गैबी यांनी मुख्याधिकाऱ्यांना दिलेल्या निवेदनात म्हटले आहे.
080721\img-20210708-wa0065.jpg
हनूमान चौकात नियमबाह्य भरणारा भाजीपाला बाजार