मृत्यूसत्र व समूहसंसर्ग थांबत नसल्याने चिंता वाढली आहे. जिल्ह्यात बुधवारी (दि.२१) ४ हजार ६९० जणांची कोरोना चाचणी करण्यात आली, त्याचे अहवाल गुरुवारी प्राप्त झाले. यातील ३ हजार ५४५ जण निगेटिव्ह आले तर एक हजार १४५ जणांचे अहवाल बाधित असल्याचे निष्पन्न झाले. बीडमध्ये सर्वाधिक २२६ आढळून आले, अंबाजोगाई २०५, आष्टी १३८,धारुर ४३,गेवराई ११६,केज ११९,माजलगाव ६५,परळी ७७, पाटोदा ९१, शिरुर ३३, वडवणी ३२ जणांचा समावेश आहे. दिवसभरात ९४७ जण कोरोनामुक्त झाल्याने त्यांना रुग्णालयातून सुटी मिळाली. एकूण बाधित ४३ हजार ६५० पैकी ३७ हजार ६४६ जणांनी कोरोनावर मात केली.
दरम्यान, गुरुवारी मृतांची उच्चांकी नोंद झाली. तब्बल २१ जणांच्या मृत्यूची नोंद झाल्याने एकूण बळींचा आकडा ७९२ वर पोहोचला. सध्या ५ हजार २१२ जण उपचार घेत असल्याची माहिती जि.प.सीईओ अजित कुंभार, जिल्हा आरोग्य अधिकारी डॉ.आर.बी.पवार, जिल्हा साथरोग अधिकारी डॉ.पी.के.पिंगळे यांनी दिली.
आतापर्यंतचा उच्चांक
जिल्ह्यात गुरुवारी २१ जणांच्या मृत्यूची नोंद आरोग्य विभागाकडे झाली. त्यामुळे जिल्हा हादरुन गेला आहे. यात वकीलवाडी (ता.केज) येथील ७४ वर्षीय पुरुष, ३० वर्षीय पुरुष बीड, ७० वर्षीय पुरुष चऱ्हाटा (ता.बीड), ४० वर्षीय पुरुष बकरवाडी (ता.बीड), ६५ वर्षीय पुरुष गावंदरा (ता.धारर), ४८ वर्षीय पुरुष नेकनूर (ता.बीड),७२ वर्षीय पुरुष भगवान विद्यालयाजवळ बीड, ६५ वर्षीय महिला एकनाथनगर बीड, ६५ वर्षीय महिला चकलांबा (ताग़ेवराई), ५४ वर्षीय पुरुष विद्यानगर बीड, ६५ वर्षीय पुरुष टाकळी देशमुख (ता.परळी), ७० वर्षीय पुरुष लऊळ (ता.अंबाजोगाई), ५० वर्षीय पुरुष मंगरुळ क्र.२ (ता.माजलगाव), ७५ वर्षीय महिला जिरेवाडी (ता.परळी), २० वर्षीय तरुण नीमगाव (ता.बीड), ७० वर्षीय महिला परळी, ६० वर्षीय महिला गेवराई, ६८ वर्षीय पुरुष गांधीनगर बीड, ५५ वर्षीय महिला जुना बाजार बीड, ५० वर्षीय पुरुष पिंपळनेर (ता.शिरुर), ६७ वर्षीय पुरुष वहाली (ता.पाटोदा) यांचा समावेश आहे.